پيكنيكتى قالاي ەستە قالاتىنداي ەتىپ ۇيىمداستىرۋعا بولادى؟ ارينە، ەڭ الدىمەن جانىڭىزدا جۇرەتىن ادامداردى تابۋ ماڭىزدى. سودان كەيىن عانا دايىندىقتى باستاۋ كەرەك. «ادىرنا» ۇلتتىق پورتالى پيكنيككە شىققاندا ۇمىتپاۋ كەرەك 10 زاتتىڭ ءتىزىمىن ۇسىنباق.
شىعاتىن كۇندى بەلگىلەۋ
اۋا رايىن باقىلاپ، ەڭ جىلى كۇندى تاڭداڭىز. يدەالدى پيكنيكتىڭ جاڭبىرلى كۇنى ءوتۋى مۇمكىن ەمەس. ال ەگەر اۋا رايىنا سەنبەيتىن بولساڭىز، بىردەن بىرنەشە جاۋىن وتكىزبەيتىن ارنايى كيىم ساتىپ الىڭىز.
پيكنيككە شىعاتىن كۇن تۋرالى دوستارىڭىزبەن اقىلداسىڭىز. قاشان شىعاتىندارىڭىزدى شەشتىڭىزدەر مە؟ ءارى قاراي جالعاستىرامىز.
جاقسى جەر تابۋ
قاراعان كوزگە ادەمى، جاسىل تۇسپەن كومكەرىلگەن جەر ىزدەيمىز. كولگە، ورمانعا نەمەسە جاقىن ماڭداعى ساياباققا بارۋعا بولادى. مۇمكىن ءسىز تۇراتىن قالانىڭ ماڭىندا تاۋ بار شىعار. وندا، ءتىپتى، جاقسى.
تاماق دايىنداۋ
ەندى پيكنيككە اپاراتىن تاعامداردىڭ ءتىزىمىن قۇراستىرامىز. ەڭ دۇرىسى - ءارتۇرلى جەڭىل تاماقتار مەن جەمىس-جيدەك الۋ. پيكنيككە الىپ شىعاتىن ازىق-تۇلىك تەز بۇزىلاتىن زاتتار بولماۋى كەرەك. مىسالىعا بۋلوچكا، پەچەنە، جەڭىل دەسەرتتەر، كەسىلگەن سىر الىپ شىعۋعا بولادى. ول زاتتاردىڭ قاراپايىم ءارى ءدامدى بولعانى دۇرىس. الايدا سىزگە بۇيرىق بەرۋدەن اۋلاقپىز. ىستىق تاماق ءپىسىرىپ الىپ شىعامىن دەسەڭىز دە ءوز ەركىڭىز.
سۋسىنداردى ۇمىتپاۋ
پيكنيك ءۇشىن شاي دا، شىرىن دا جاراي بەرەدى. بارىنشا الكوگولدى سۋسىن اپارماعان دۇرىس. سۋسىندى سىنبايتىن ىدىسپەن اپارىڭىز. تاماق پەن سۋسىن دايىن. ءارى قاراي كەتتىك!
سكاتەرت پەن جامىلعىش الۋ
ەندى تاماقتاناتىن ورىندى تاڭداۋ كەرەك. (ەكى سكاتەرت الامىز). تاڭداپ بولعان سوڭ الىپ كەلگەن ءبىرىنشى پلەنكانى جەرگە جايامىز. ونىڭ ۇستىنە ماتا سكاتەرتتى ورنالاستىرامىز.
وتىراتىن جەردى شەشىپ الۋ
پيكنيكتە جايسىزدىق تۋماۋ ءۇشىن ارنايى جينالاتىن ۇستەل مەن ورىندىقتار الىپ شىققان دۇرىس. ولاردىڭ كولەمى ديپلومات سياقتى كىشكەنتاي بولادى. سوندا بۇل قاجەتتى زاتتاردى كولىكتىڭ باگاجىنا وڭاي سالا الاسىز.
ىدىس-اياق تاڭداۋ
اق پلاستيك ىدىس الماي-اق قويىڭىز. بۇل پيكنيكتىڭ ادەمىلىگىن بۇزادى. پلاستيك ىدىس الساڭىز دا، پيكنيككە ارنالعان ادەمى نابور بولعانى دۇرىس. سونىمەن قاتار 2 بوكال مەن بۋتەربرود پەن جەمىس-جيدەكتەر سالاتىن بىرنەشە ۇلكەن تارەلكا الۋدى ۇسىنامىز.
كوڭىل كوتەرۋ جاعىن ويلاستىرۋ
تابيعات اياسىندا نەمەن اينالىسۋعا بولادى؟ بادمينتون راكەتكالارىن وزىڭىزبەن الىپ شىعىڭىز. ودان بولەك ۇستەل ويىندارىن دا ويناۋعا بولادى.
سونىمەن قاتار تابيعات اياسىندا گيروسكۋتەرمەن سەرۋەندەۋ دە تاپتىرماس مۇمكىندىك.
ال ەگەر پيكنيكتى جاعاجايدا ۇيىمداستىراتىن بولساڭىز، شومىلۋعا ارنالعان زاتتاردى الۋدى ۇمىتپاڭىز.
تاماق ىشەتىن ۇستەلدى جابدىقتاۋ
جوعارىدا پلاستيك ىدىستان بولەك، ۇلكەن ىدىستار الىپ شىعىڭىز دەگەن ەدىك. سول ىدىستارعا جەمىس-جيدەكتەردى تۋراپ قويىڭىز. بۇدان بولەك كورزينا الىپ شىعۋدى ەستە ساقتاۋ كەرەك. سول كورزينانى تاتتىلەرمەن بەزەندىرىپ، ادەمى فوتولار تۇسىرۋگە بولادى. بۇدان بولەك ءتۇرلى ءتۇستى سالفەتكالارمەن ۇستەلدى بەزەندىرسە، ادەمى كورىنىسكە تامساناتىن بولاسىز.
سومكەنى جيناستىرۋ
سوڭعى ارەكەتتەر قالدى. تاماق دايىن، ىدىستار كولىكتە جاتىر. تاعى نە الۋ كەرەك؟
ءدارى-دارمەك. كىشىگىرىم دارىلەردى سالاتىن ارنايى ىدىس العان ءجون.
جاندىكتەردەن قورعايتىن ارنايى زاتتار. تابيعات اياسىندا جاندىكتەرگە تاپ بولاتىنىڭىز انىق.
سۋ. ىشەتىن جانە قولدانۋعا ارنالعان سۋ العان دۇرىس.
كۇننەن قورعايتىن كرەم. تەرىڭىزدىڭ كۇيگەنىن قالامايتىن شىعارسىز؟!
سۋلى مايلىقتار. تاماقتانعان سوڭ مىندەتتى تۇردە قولدى سۇرتكەن دۇرىس.
قوقىسقا ارنالعان پاكەت. پيكنيكتەن سوڭ ءسىز وتىرعان جەردە ەش نارسە قالماۋ كەرەك. تابيعاتتى لاستاماڭىز!
"ادىرنا" ۇلتتىق پورتالى
