Taım-menedjmentten sharshadyńyz ba?

729
foto ashyq aqparat kózinen alyndy
foto ashyq aqparat kózinen alyndy

Bir isti ýaqytyly tyndyrý úshin jospar kerek. Biraq, tek josparmen júrý sharshatatyn ári erkindikten aıyratyn jumys.  Al tym erkinsip ketseń, atqarylýy tıis sharýa jaıyna qalady.

Olaı bolsa, tómenge erkindikten qaǵylmaı, isin ýaqytyly tyndyrǵysy keletinderge arnap, birsypyra keńes ázirlep qoıdyq. Eger taım-menedjmentten sharshaǵan bolsańyz, artyq energııa jumsamaı, bárine úlgergińiz kelse, myna keńesterge qulaq asyńyz.

KÚNDELIKTI ÁDETTER

Kún saıyn qaıtalaı beretin rıtýaldar tizimin qurastyryp qoıyńyz. Keste etip ázirlep, bólmeńizdiń kórinetin jerine ilińiz. Ádette rıtýaldar kóp ýaqytty almaıdy. 10 mınýt jattyǵý jasaý, 20 mınýt kitap oqý degen syndy ádetter kúndelikti damýǵa óz septigin tıgizedi.Rıtýaldar damýǵa jeteleıdi. Jetistikke tek janyńdy salyp jasaǵan áreketteriń emes, az-azdan, úzdiksiz jasalǵan jumystar da kóptep septigin tıgizetinin umytpaıyq.

ShUǴYL ShARÝALAR

Keıinge qaldyrýǵa bolmaıtyn sharýalar tizimin jasańyz. Máselen, anketa toltyrý, pochtaǵa jiberý, saıttyń dızaınyna ózgertýler engizý syndy shuǵyl sharýalardy josparǵa túrtip qoıý qajet. Dese de, shuǵyl sharýalar mańyzdy emes, mańyzdy sharýalar shuǵyl emes ekenin eske salamyz.

ORYNDAÝ KÚNI BELGISIZ ShARÝALAR

Apta ishinde atqarylýy tıis, biraq naqty ýaqyty belgilenbegen sharýalar bolady. Bir qyzyǵy, mundaı sharýalardyń belgili bir dedlaıny joq. Solardy aı ishinde nemese apta ishindegi kúnderdiń birine qoıyńyz. Máselen, júzip úırený jyl ishindegi basty maqsatyńyz delik. Júzip úırený úshin aldymen arnaıy dáriske jazylýyńyz kerek. Dáriske jazylmas buryn, bilikti jattyqtyrýshyny tańdaı alýyńyz mańyzdy. Biraq qaı kúni júzý sabaǵanyna jazylatynyńyz, qashannan bastap úırenetinińiz belgisiz bolýy  múmkin. Bul maqsatyńyzdy keıinge qaldyra bermes úshin arnaıy bir kúndi belgilep, iske kirisip ketý kerek.

Bul tizim nesimen paıdaly? Biz keıde grafıkti toltyrý úshin kerekti-kereksiz sharýalardy toqtaýsyz atqara beremiz. Onyń paıdasy bar ma, joq pa, mańyzdy emes. Qysqasy, paıdasyz dúnıege artyq energııa jumsaý arqyly kúsh-jigerdi sarqyp alýdan abaı bolyńyz.

 

Nazerke Ásetova

 

Pikirler
Redakııa tańdaýy