Logıstıka - kez-kelgen memleket ekonomıkasynyń kúretamyry. Onyń úzdiksiz, durys jumys istep turýy - sol eldiń saýlyǵyna áser etedi. Al endi sol logıstıkany júzege asyratyn júk tasymaly salasynyń avtoparki jańarmasa ne bolady? Ózderińiz uǵyp otqan bolarsyzdar.
Máseleni basynan baıandaıyn. Osy jyldyń basynda Sochıde júrgenimde maǵan syrtta júrgen jaqynym habarlasty. Baýyry osy qalalar men elder arasyndaǵy júk tasymalymen aınalysatyn. Sonyń júk tasıtyn kóligi eskirip, jylyn jańartpaqqa Eýropadan jyly men jaǵdaıy jaqsyraǵyn aldyryp jatyr eken. "Seniń osy saladan tájirıbeń bar ǵoı, járdem bershi" dedi.
Salyp uryp kedendik rásimdeý aımaǵyna bardyq. Ózi Eýropadan tirkemesimen 42500 eýroǵa alynǵan kólikti Qazaqstanǵa jetkizý úshin 2 myń eýro shyǵyndapty.
Sodan, 44500 eýroǵa kelgen kólikti Kedendik rásimdeýge jıyny 4 545 000 tg. tólep sol baıaǵy "Operator ROP" kompanııasyna keldik.
Olar bizdiń kólikke baqandaı 1 605 000 tg eseptep berdi. "Jazǵan qulda sharshaý bar ma", amalsyz tóledik.
Endigi kezekte - "AvtoONǵa" keldik. Onda da bizdi "sıýrprız" kútip tur eken. Atalǵan kólikke 1 020 000 teńge "Kólikti alǵashqy esepke qoıý alymyn" (pervıchka) eseptep berdi. Ony da tólep, nómir úshin tólenetin alymdy tólep, 1 050 000 tg shyǵyndadyq.
Qoryta kelgende atalǵan kólik bizge 29 600 000 tengege turdy. Onyń ishinde Qazaqstandaǵy shyǵyndar 7 200 000 teńgeni qurady. Qalaı oılaısyzdar, kóp pe? Menińshe óte kóp!
ENDI EŃ NEGIZGI AQPARATQA KELEIIK. Qazaqstanda 2020 jyldan bastap júk kólikterine tólenetin ýtılızaııalyq alymdy 3-4 ESEGE ósirdi! Eger, buryn 2,5 tonnalyq júk kóligine tólenetin alym 360 myń teńgeni qurasa, qazir 1 020 950 teńgeni quraıdy. 2,5 tonnadan 3,5 tonnalyq kólikke tólenetin alym buryn 505 000 tg bolsa, qazir 2 187 750 tg ósti. Al, 5 tonnadan 8 tonnaǵa deıingi kólikterdiń alymy buryn 757 000 tg bolsa, 2 333 600 teńgege qymbattady. Al, 8 tonnadan 12 tonnaǵa deıingi kólikterdiń ýtılsbory 2 771 150 teńgege, 12 tonnadan 20 tonnaǵa deıingi kóliktiki 3 062 850 teńgege ósti. Al, eń soraqysy - logıstıka men qurylysqa qajetti 20 tonnadan 50 tonnaǵa deıingi aýyr júk kólikteriniń ýtılsbory - shamamen 6 mln teńgege (naqty 5 979 850) bir-aq sekirdi!
Al, sizder nege úı, taýar qymbattap jatyr deısizder?..))
Eger ony tasymaldaıtyn kóliktiń quny men qyzmeti bir JEKE kompanııanyń qaltasyn qampaıtý úshin keminde 3-4 esege ósse, aqyrǵy ónim qymbattamaı qaıtsin?
Nuraddın SADYQOV,
Táýelsiz sarapshy
