Astana Motors Manufacturing Kazakhstan zauyty alǧaşqy Chery, Changan jäne Haval markaly kölıkterın şyǧaryp, resmi türde jūmysyn bastady, dep habarlaidy “Adyrna” ūlttyq portaly.
Osyǧan orai kompaniia atalǧan brendterdıŋ baǧasyn 7–15%-ǧa tömendetetının mälımdedı.
Astana Motors negızın qalauşy Nūrlan Smaǧūlovtyŋ aituynşa, öndırıstı jergılıktendıru kölıkterdıŋ özındık qūnyn arzandatyp, olardy halyqqa qoljetımdı etedı.
«Bız memleketpen kelısım aiasynda öndırıstıŋ 30%-yn tolyq sikldık ädıspen (dänekerleu, boiau) jüzege asyruǧa mındettımız. Būl öz kezegınde baǧany tömendetuge mümkındık berdı», – dedı ol.
Jaŋa zauyttyŋ öndırıstık quaty jylyna 120 myŋ kölıktı qūraidy. Qazırgı taŋda 1700 adam eŋbek etude. Al tolyq quatqa şyqqanda 3600 jūmys orny aşylady dep kütıledı.
Jobanyŋ jalpy investisiia kölemı – 202 mlrd teŋge. Onyŋ 37%-y kompaniianyŋ öz qarjysy bolsa, 63%-y Qazaqstan Damu Bankı men Önerkäsıptı damytu qory arqyly 9% mölşerlememen 15 jylǧa berılgen qaitarymdy nesie.
Esterıŋızge sala keteiık, zauyt qūrylysyna Memleket basşysy Qasym-Jomart Toqaev 2022 jyly Almatyǧa jasaǧan sapary kezınde bastamaşy bolǧan.
