Qazaq-qyrǧyz şekarasynda bır aidyŋ özınde 10 myŋ tonna benzin zaŋsyz tasymaldanǧan. Būl turaly Qarjy monitoring agenttıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Aqparatqa säikes, qyrǧyz kölıkter benzindı kölıgınıŋ bagyna nemese qoldan jasalǧan qosymşa baktaryna qūiyp alyp, zaŋsyz äketıp jatyr.
«Qarjy monitoring agenttıgı şekara maŋyndaǧy öŋırlerde janar-jaǧar maidy elden şyǧaruǧa qarsy bırlesken baqylaudy küşeituge qatysty vedomstvoaralyq kezdesu ötkızdı. Baǧa aiyrmaşylyǧyna bailanysty jeŋıl kölıkter kölıgınıŋ bagyna jäne qoldan jasalǧan bagyna benzin qūiyp alyp, ony el aumaǧynan zaŋsyz äketıp jatyr. Tek qazaq-qyrǧyz şekarasynda aiyna osyndai täsılmen 10 myŋ tonna benzin tasymaldanady», - dep habarlady QMA.
Jalpy, jyl basynan berı janar-jaǧarmai tasymalyna bailanysty 21 qylmystyq ıs tırkelgen. Būl zaŋsyz ainalymnyŋ kölemı 3,5 myŋ tonnadan, al qūny 900 mln teŋgeden asqan.
Ūqsas jaŋalyqtar
