لوگيستيكا - كەز-كەلگەن مەملەكەت ەكونوميكاسىنىڭ كۇرەتامىرى. ونىڭ ۇزدىكسىز، دۇرىس جۇمىس ىستەپ تۇرۋى - سول ەلدىڭ ساۋلىعىنا اسەر ەتەدى. ال ەندى سول لوگيستيكانى جۇزەگە اسىراتىن جۇك تاسىمالى سالاسىنىڭ اۆتوپاركى جاڭارماسا نە بولادى؟ وزدەرىڭىز ۇعىپ وتقان بولارسىزدار.
ماسەلەنى باسىنان باياندايىن. وسى جىلدىڭ باسىندا سوچيدە جۇرگەنىمدە ماعان سىرتتا جۇرگەن جاقىنىم حابارلاستى. باۋىرى وسى قالالار مەن ەلدەر اراسىنداعى جۇك تاسىمالىمەن اينالىساتىن. سونىڭ جۇك تاسيتىن كولىگى ەسكىرىپ، جىلىن جاڭارتپاققا ەۋروپادان جىلى مەن جاعدايى جاقسىراعىن الدىرىپ جاتىر ەكەن. "سەنىڭ وسى سالادان تاجىريبەڭ بار عوي، جاردەم بەرشى" دەدى.
سالىپ ۇرىپ كەدەندىك راسىمدەۋ ايماعىنا باردىق. ءوزى ەۋروپادان تىركەمەسىمەن 42500 ەۋروعا الىنعان كولىكتى قازاقستانعا جەتكىزۋ ءۇشىن 2 مىڭ ەۋرو شىعىنداپتى.
سودان، 44500 ەۋروعا كەلگەن كولىكتى كەدەندىك راسىمدەۋگە جيىنى 4 545 000 تگ. تولەپ سول باياعى "وپەراتور روپ" كومپانياسىنا كەلدىك.
ولار ءبىزدىڭ كولىككە باقانداي 1 605 000 تگ ەسەپتەپ بەردى. "جازعان قۇلدا شارشاۋ بار ما", امالسىز تولەدىك.
ەندىگى كەزەكتە - "اۆتوتسونعا" كەلدىك. وندا دا ءبىزدى "سيۋرپريز" كۇتىپ تۇر ەكەن. اتالعان كولىككە 1 020 000 تەڭگە "كولىكتى العاشقى ەسەپكە قويۋ الىمىن" (پەرۆيچكا) ەسەپتەپ بەردى. ونى دا تولەپ، ءنومىر ءۇشىن تولەنەتىن الىمدى تولەپ، 1 050 000 تگ شىعىندادىق.
قورىتا كەلگەندە اتالعان كولىك بىزگە 29 600 000 تەنگەگە تۇردى. ونىڭ ىشىندە قازاقستانداعى شىعىندار 7 200 000 تەڭگەنى قۇرادى. قالاي ويلايسىزدار، كوپ پە؟ مەنىڭشە وتە كوپ!
ەندى ەڭ نەگىزگى اقپاراتقا كەلەيىك. قازاقستاندا 2020 جىلدان باستاپ جۇك كولىكتەرىنە تولەنەتىن ۋتيليزاتسيالىق الىمدى 3-4 ەسەگە ءوسىردى! ەگەر، بۇرىن 2,5 توننالىق جۇك كولىگىنە تولەنەتىن الىم 360 مىڭ تەڭگەنى قۇراسا، قازىر 1 020 950 تەڭگەنى قۇرايدى. 2,5 توننادان 3,5 توننالىق كولىككە تولەنەتىن الىم بۇرىن 505 000 تگ بولسا، قازىر 2 187 750 تگ ءوستى. ال، 5 توننادان 8 تونناعا دەيىنگى كولىكتەردىڭ الىمى بۇرىن 757 000 تگ بولسا، 2 333 600 تەڭگەگە قىمباتتادى. ال، 8 توننادان 12 تونناعا دەيىنگى كولىكتەردىڭ ۋتيلسبورى 2 771 150 تەڭگەگە، 12 توننادان 20 تونناعا دەيىنگى كولىكتىكى 3 062 850 تەڭگەگە ءوستى. ال، ەڭ سوراقىسى - لوگيستيكا مەن قۇرىلىسقا قاجەتتى 20 توننادان 50 تونناعا دەيىنگى اۋىر جۇك كولىكتەرىنىڭ ۋتيلسبورى - شامامەن 6 ملن تەڭگەگە (ناقتى 5 979 850) ءبىر-اق سەكىردى!
ال، سىزدەر نەگە ءۇي، تاۋار قىمباتتاپ جاتىر دەيسىزدەر؟..))
ەگەر ونى تاسىمالدايتىن كولىكتىڭ قۇنى مەن قىزمەتى ءبىر جەكە كومپانيانىڭ قالتاسىن قامپايتۋ ءۇشىن كەمىندە 3-4 ەسەگە وسسە، اقىرعى ءونىم قىمباتتاماي قايتسىن؟
نۇراددين سادىقوۆ،
تاۋەلسىز ساراپشى
