Mäjılıste kölıktı 5 minuttan artyq qyzdyrǧany üşın aiyppūl salu normasyn qaita qarau ūsynyldy, dep habarlaidy "Adyrna" ūlttyq portaly.
Mäjılıs deputaty Serık Erubaev suyq mezgılde kölıktı 5 minuttan artyq qyzdyrǧany üşın salynatyn aiyppūldarǧa qatysty normany qaita qarau qajettıgın aitty. Būl turaly ol Işkı ıster ministrı Erjan Sadenovke joldaǧan deputattyq saualynda mälımdedı.
Deputattyŋ aituynşa, qoldanystaǧy aiyppūl normalary kölık jürgızuşılerı men käsıpkerlerge qiyndyq tudyryp otyr.
"Būl aiyppūl şaǧyn dükenderge tauarlardy tüsıru nemese tieu kezınde ülken mäsele tuǧyzady, äsırese, aua temperaturasy minus 20 gradustan tömen bolǧan jaǧdaida. Mūndai kezde qozǧaltqyşty öşıru tiımsız", – dedı ol.
Serık Erubaev ortalyq jäne soltüstık öŋırlerdıŋ klimattyq erekşelıkterın eskere otyryp, 5 minuttyq şekteudı qaita qaraudy jäne ziiandy qaldyqtardy azaitudyŋ balama, ädılettı joldaryn qarastyrudy ūsyndy.
Sonymen qatar, deputat Ekaterina Smyşliaeva būl normanyŋ 60 jyldan astam uaqyt boiy qoldanysta ekenın eske salyp, qazırgı normada qūqyqtyq anyqsyzdyq bar ekenın atap öttı. Onyŋ aituynşa, aiyppūl salu üşın naqty erejeler men talaptardy belgıleu qajet.
Deputattar jauapkerşılıkke tartu tärtıbın naqtylau, qolaisyzdyq tüsınıgın aiqyndau jäne şaǧymnyŋ negızdılık talaptaryn bekıtu qajettıgın alǧa tartty.
Eske sala keteiık, būǧan deiın kölıktı bes minuttan artyq qyzdyrǧandarǧa 19 myŋ teŋge aiyppūl salynatyny turaly jazǧan edık.
Ūqsas jaŋalyqtar
