Qūs asyrau da tabys közı

Bügınde ärbır el azamatyna öz käsıbın igeruge memleket tarapynan barynşa jaǧdai jasalyp otyr. Keiıngı jyldary käsıpkerlık salasyna jasalyp jatqan jan-jaqty qoldaulardyŋ arqasynda audanda oŋdy özgerıster körınıs berıp keledı. Sonyŋ bırı memleket qoldauymen qaitarymsyz qarjyǧa qol jetkızıp, berılgen qarajatyn paidaly ıske jūmsap jatqan Eŋbekşıqazaq auylynyŋ tūrǧyny Almira Dauletova. Keiıpkerımız Almira eş jerde jūmys ıstemeidı. Aulasynda tauyq ösırıp küneltıp otyr. Bastapqyda būl ıste eş täjıribesı joq jas ana jüreksıngenımen, keiın kele käsıptıŋ qyr-syryna qanyǧa bastaidy.

«Biznes-Bastau» jobasy arqyly memleketten qaitarymsyz qarjy aldym. Ol aqşaǧa 100 lomann braun nemıs tūqymdy tauyǧyn jäne syiymdylyǧy 350 jūmyrtqaǧa jetetın inkubator, qajettı jem-şöp alyp, käsıptı bastap kettım. Salada täjıribem az bolǧandyqtan köp ūzamai balapandarymnyŋ bırazy öldı. Sol kezde qūs baǧuda täjıribesı bar jerlesterımmen aqyldasyp, därumen beru, jem salu jäne baǧu jaiynda keŋes aldym. Qazır eptep käsıptıŋ qyr-syryna qanyǧyp kelemın. Joldasym Berıktıŋ kömegımen jaŋa qora tūrǧyzyp, tauyqtarǧa yŋǧaily jaǧdai jasadyq, balapandar körşılerımızdıŋ bau-baqşasyna tüspesın dep, üidıŋ ainalasyn jaqsylap qorşadyq. Osy aida ortaşa eseppen 1700 jūmyrtqa alamyz dep josparlap otyrmyz. Qūs asyraudyŋ eş qiyndyǧy joq. Bastysy, kütımı men jem-şöbı uaqytyly bolsa bolǧany,»,-deidı Almira Dauletqyzy.

Sözınşe, qazır halyqtyŋ tabiǧi taza jūmyrtqaǧa degen sūranysy artqan. Jūmyrtqany apta saiyn ülken bazarǧa şyǧaryp ötkızemız. Şaruamdy bastap, jürgızuge jergılıktı äkımdık köp kömegın tigızdı. Atauly äleumettık kömek alatynmyn. Qūjattarymdy jaŋartyp ötkızuge barǧanymda, osy memlekettık joba jaiynda aityp, tüsındırıp berdı. Süiemeldeu körsetıp, basynan aiaǧyna deiın kömektestı. Al, «Atameken» käsıpkerler palatasynyŋ menedjerlerı biznes-jospar qūru, qajettı esepterdı jürgızu, jeke käsıpkerlıktı aşuǧa järdemdestı. Osynyŋ barlyǧy üşın memleketke jäne halyqtyŋ äl-auqatyn jaqsartuǧa arnalǧan memlekettık baǧdarlamalarǧa alǧysym şeksız. Kışkentai balam öte sirek kezdesetın auruǧa şaldyqqan. Tumasynan mügedek. Erekşe ktımdı qajet etedı. Sondyqtan qandai da bır qyzmetke ornalasu mümkın bolmady. Bız siiaqty şarasyz qalǧandarǧa ülken kömek qoi būl»,-deidı keiıpkerımız.

Al, Almiranyŋ anasy qyzynyŋ bala künınen şaruaǧa beiım, malsaq ärı eŋbekqor ekenın, kışkentai künınen jer teuıp, jemtıgın ızdegen tauyqty baqylaǧandy jaqsy köretının jetkızdı. Sala mamandarynyŋ sözınşe, qarapaiym tūrǧyndar, äsırese, şalǧai auylda tūratyndar üşın igı bastamanyŋ tiımdılıgı öte mol. Öitkenı būl jobaǧa tek jūmyssyzdar men özın-özı jūmyspen qamtuşylar ǧana qatysa alady. Jeke käsıbın aşuǧa niettengenderge körsetıletın būl qoldau soŋǧy 2-3 jylda köptegen auyl tūrǧynynyŋ tırlıgın tıkteuge sep boldy. Jobanyŋ tiımdı tūstarynyŋ bırı – mūndaǧy bır ailyq oquǧa qatysqandarǧa şäkırtaqy da qarastyrylǧan. Käsıbın aşuǧa niettengenderge bılıktı biznes-trenerler därıs berıp, käsıpkerlıktıŋ qyr-syryna üiretedı. Mäselen, Köksu audany boiynşa biyldyŋ özınde 60-qa juyq tūrǧyn qaitarymsyz grantqa ie bolsa, olarǧa barlyǧy 34 million 981 myŋ teŋge qarjy bölınıptı. Dälırek aitar bolsaq, 21 köpbalaly otbasylar, 18-29 jas aralyǧyndaǧy 9 jas jäne mümkındıgı şekteulı 1 azamat 583 myŋ teŋge kölemındegı qaitarymsyz grantqa qol jetkızgen. Onyŋ ışınde 25 azamat mal şaruaşylyǧyna qatysty käsıp bastasa, 3 azamat qūs şaruaşylyǧyn damytudy qolǧa alypty. Öŋırımızde «öz ısımdı bastasam» degenderge körsetılıp jatqan qoldau men demeu az emes körınedı. Jyl soŋyna deiın taǧy 10 käsıpkerge qoldau jasalady deidı.