Mekteptegı qyrǧyn. Mūzdai qarulanǧan bozbala orta bılım ordasyna basa köktep kırıp, segız adamdy atyp tastady. Oquşylar janūşyra jan-jaqqa qaşyp, esıkke syimaǧany üşınşı qabattyŋ terezesınen sekırgen. Qannen-qapersız jūmys künınde qas pen közdıŋ arasynda mekteptı azan-qazan qylǧan Qazandaǧy qandy qyrǧyn jaily "Adyrna" ūlttyq portaly "Euraziia" bırınşı arnasyna sılteme jasap habarlaidy.
Mekteptıŋ maŋyndaǧy tūrǧyndar äuelı ne bolǧanyn tüsınbegen. Tars-tūrs etken dybystardy estıp, telefonǧa tüsırıp tūra berıptı. Däl osy kezde bılım ordasynyŋ ışınde jetkınşekter bırınen soŋ bırı oqqa ūşyp jatyr edı.
Joǧary synypta oqityn qasköi bır mūǧalım men bes oquşyny jairatyp tastap, ary qarai ata bergen. Aman qalu üşın üşınşı qabattyŋ terezesınen sekırgen balalardyŋ ekeuı asfaltqa qūlap, sol jerde tıl tartpai ketken. Taǧy 20-ǧa juyq adam jaralandy. Törteuı jansaqtau bölımşesınde jatyr.
Oquşynyŋ anasy: Naqty eşteŋe bılmeimız, avtomattyŋ dausy estıldı. Artynan jarylys boldy deidı. Jaralanǧandar köp dep estıdık. Eşteŋenı tüsınıp ülgermesten, bärı qaşa jöneldı. Sosyn küştık qūrylym ökılderı ıske kırıstı».Qatarlastaryna avtomattan oqty qarşa boratqan qandyqol 19 jastaǧy İlnaz Galiaviev bolyp şyqty. Qylmys jasamas būryn aram oiy turaly äleumettık jelıge jazǧan da eken. Bıraq eşkım män bermegenge ūqsaidy. Ol adamdardy biologiialyq qoqysqa teŋep, älemdı tazartatynyn mälımdegen. Özgelerdı de osy ıske şaqyrypty. Oqiǧa ornyna jetken Tatarstan prezidentı Rustam Minnihanov qandyqol qaraqşynyŋ atyna tırkelgen resmi qaruy bar dep mälımdedı. Sondai-aq qaza bolǧan adamdardyŋ otbasyna jäne zardap şekkenderge kömek körsetıletının aitty.
Rustam MİNNİHANOV, Tatarstan prezidentı: Būl auyr qaiǧy. Bız jetı balamyzdan airylyp qaldyq. Bärı segızınşı synyptyŋ oquşylary. Tört ūl, üş qyz. Taǧy 16 adam, 12 bala men 4 eresek jaraqatpen auruhanaǧa jatqyzyldy».Şūǧyl äreket etken qaruly küşter mektep aumaǧynda kontrterroristık operasiia jürgızıp, mergendı qolǧa tüsırdı. Äzırge onyŋ sybailastarynyŋ bar-joǧy anyqtalyp jatyr. Qaladaǧy barlyq oqu ornynyŋ küzetı küşeitıldı. Al beibıt künde oqqa ūşyp, otbasyn qara jamyldyrǧan qūrbandar üşın erteŋgı kün, iaǧni 12 mamyr Tatarstanda aza tūtu künı dep jariialandy.
"Adyrna" ūlttyq portaly
Ūqsas jaŋalyqtar
