Ortalyq kommunikasiialar qyzmetınıŋ brifingınde QR Bılım jäne ǧylym vise-ministrı Şolpan Karinova biylǧy jylǧy mektep tülekterı jaily sūraqtarǧa jauap berdı, dep habarlaidy "Adyrna" ūlttyq portaly. Būl turaly zakon.kz saity mälımdedı.
"9-11 synyp oquşylaryn üşınşı toqsannan bastap offlain rejimde oqytu turaly şeşım, qorytyndy emtihannyŋ tapsyryluyna tıkelei bailanysty boldy. 9-synyp jäne 11-synyp oquyşylary üşın būl maŋyzdy. Qazırgı taŋda bız de, mektepter de, mekteptegı tülekter de Ūlttyq Bıryŋǧai Testıleuge jäne qorytyndy attestasiialau emtihanyna daiyndyq üstınde. Būl emtihan negızgı jäne orta mekteptı bıtırgendıgı turaly kuälıktı rastau üşın qajettı emtihan bolyp sanalady. Sondyqtan, bügın QR Bılım jäne ǧylym ministrlıgınıŋ būiryǧy daiyndaluda jäne qorytyndy attestattau biyl ötedı dep paiymdap otyrmyz», - dedı Karinova.Onyŋ aituynşa, 9-synyptar emtihandy üş pän boiynşa: matematika, qazaq jäne orys tılderınde oqytu tılıne negızdelgen emtihan tapsyrady. Al 11-synyp oquşylary 4 emtihan tapsyrady. Tolyq aqparat ministrdıŋ būiryǧynda körsetılgen.
"Bıtıruşı tülekter emtihan tapsyrady dep şeşıldı. Bıraq taǧy bır aita ketetın jait, qazır bız tek törtınşı toqsannyŋ bastaluy jaily aityp otyrmyz. Sanitarlyq-epidemiologiialyq jaǧdaiǧa bailanysty bölek şeşımder qabyldanady", - dep tüsındırdı departament ökılı.Eske sala keteiık, 2020 jyly tötenşe jaǧdaidyŋ oryn aluyna jäne bılım beru jüiesınıŋ qaşyqtan oqytyluyna bailanysty tülekter qorytyndy attestasiialau emtihany men memlekettık emtihannan bosatylǧan bolatyn.
"Adyrna" ūlttyq portaly
Ūqsas jaŋalyqtar
