Birlik kúni 10 otbasy baspanaly boldy

2822
Adyrna.kz Telegram

1 mamyr – Birlik kúni Balqash aýdany Birlik aýylyndaǵy 10 otbasy baspanaly boldy. «Qaıyrymdy ister marafony» jalpyulttyq akııasy aıasynda, balqashtyq Jandos Ábdijapparov 50 adamǵa úıdiń kiltin tabystap, kópke qýanysh syılady. Qaıyrymdylyq jasaýdy asyl qasıet dep biletin azamat aýylyndaǵy osy agrofırmada 20 jyldan astam eńbek etip kele jatqan aýyl azamattaryna turǵyn úı syılap, zor alǵys pen qurmetke bólendi. Atap aıtsaq, 2 kópbalaly otbasyna, 1 úshinshi top múgedektigi bar otbasyna, barlyǵy 10 otbasyna óz demeýshiligimen turǵyn úı kiltin tabystap, qýanysh syılady.

- «Osy sharýashylyqta jumys istegenimizge 16 jyl boldy. Sol ýaqyttan osy úıde turyp kele jatqanbyz. Buryn sovhozdyń úıi bolǵan. Endi, jekemenshikke berip qýantyp jatyr. Jandos Ábdijapparulyna raqmet. Osy úıden ósip, óneıik»,- dedi aýyl turǵyny Muhtar Dúmshebaev.

Jalpy yntymaǵy men birligi jarasqan aýyldyń jas kásipker balasy jasynan tórt túlik túrine etene jaqyn bolyp ósken. 2015 jyly «Birlik AJA» JShS quryp, búgin sharýashylyqtyń tasyn órge súırep keledi. Seriktestik mal tuqymyn kóbeıtý men asyldandyrýǵa kóp kóńil bóledi. «Otyzda orda buzbasań, qyryqta qamal almaısyń» demekshi, bala jasynan eńbektiń qara qazanynda qaınap úlgergen Jandos Táýelsizdikpen túıdeı qurdas. Qaıyrymdylyq jasaýdy jany súıetin azamat 2020 jyly «Asyl júrek» nomınaııasynyń ıegeri atanǵan.

- «Osydan 3 jyl buryn 7 baspananyń kiltin aýyl turǵyndaryna tabystaǵan bolatynbyz. Mine búgin mereke kúni taǵy qýanyshty jaǵdaı bop jatyr. Men Táýelsizdik qurdasy ári, elimniń patrıoty retinde aýylymnyń kórkeıýine tıtteı de bolsa úlesimdi qosqym keledi. Jaqsylyq jasaý janyma qýanysh syılaıdy»,- dep atap ótti «Birlik AJA» JShS dırektory Jandos Ábdijapparuly.

Aıta ketý kerek, Almaty oblysynda «Qaıyrymdy ister marafony» jalpyulttyq akııasy sheńberinde 600 astam is-shara uıymdastyrylǵan.

- «Almaty oblysynda 80 mln. teńgege 8 myńnan astam otbasyǵa azyq-túlik paketterimen qoldaýlar kórsetildi. Ary qaraı da bul shara jalǵasatyn bolady. Qazir Almaty oblysy kóleminde 4 myńnan astam volonter bar. Olardyń barlyǵy da jyl sońyna deıin osy marafonǵa jumyldyrylatyn bolady», - deıdi oblystyq jastar saıasaty máseleleri jónindegi basqarma basshysy Eldar Saparov.

Táýelsizdiktiń 30 jyldyǵyna oraılastyrylyp bastaý alǵan «Qaıyrymdy ister marafony» áli de jalǵasyn tappaq. Aıta keteıik, marafonnyń jalpy ulttyq mańyzyn arttyrýǵa Jandos Ábdijapparov sekildi jomart azamattar akııaǵa úles qosý úshin nıet bildirýde. Bul óz kezeginde sharanyń ómirsheń bolýyna yqpal etedi.

Pikirler