Almaty qalasynyŋ Taugül şaǧyn audanyndaǧy köpqabatty tūrǧyn üidıŋ tūrǧyndary şatyrsyz qalyp, jauyn-şaşynnan zardap şegıp jatyr, dep habarlaidy “Adyrna” ūlttyq portaly Habar agenttıgıne sıltep.
Aitularynşa, qatty dauyldan keiın on kün ötse de, jöndeu jūmystary aiaqtalmaǧan. Būl turaly Stan.kz aqparat agenttıgı «Habar» arnasyna sılteme jasap habarlady.
53 üidıŋ metall şatyryn dauyl ūşyryp äketken. Tūrǧyndar uaqytşa polietilenmen jauyp qoiǧanymen, ol jaŋbyrdan qorǧai almady. Äsırese, joǧarǧy qabatta tūratyndar qiyn jaǧdaida. Şatyrdan aqqan su qabyrǧalar men töbege sıŋıp, ışkı ärleu jūmystary būzyla bastaǧan.
«Jaŋbyrly kün bız üşın tabiǧi apat sekıldı. Şatyrdy jöndeimız dep uäde berdı, bıraq eş nätije joq. Äkımdıkke de, PİK-ke de jügındık. Üş orama polietilen berıp, şatyrdy özımız japtyq», – deidı tūrǧyn Läzzat Satylhanova.
Äkımdık ökılderınıŋ mälımetınşe, merdıger kompaniiamen bırlesıp şatyrlardy qalpyna keltıru jūmystary josparlanǧan. Alaida ūzaqqa sozylǧan jaŋbyr aua raiy jūmystyŋ bastaluyna kedergı keltırıp otyr.
«Qazır merdıger ūiym äleumettık jauapkerşılık aiasynda jūmys ısteude. Şatyr tolyǧymen myryştalyp, nyǧaitylatyn bolady. Jöndeu jūmystary baqylauda», – dedı «Almaty tūrǧyn üi» JŞS direktory Aidyn Qalabaev.
Qazırgı taŋda tūrǧyndar tek jöndeu jūmystarynyŋ tezırek bastaluyn kütıp otyr. Olar keşıgudıŋ odan da auyr zardaptarǧa äkelıp soqpauyn tıleidı.
Ūqsas jaŋalyqtar
