Shymkentte «Jasyl qala» aǵash otyrǵyzý is-sharasy ótti. Igi sharaǵa qala ákimi Murat Áıtenov, sonymen birge birqatar zııaly qaýym ókilderi men qala turǵyndary qatysty.
Atalǵan is-sharany uıymdastyrýshy ári demeýshilik kórsetýshi – «Meıirim shýaǵy» qoǵamdyq qory boldy. 1000 túp aǵash Shymsıtı shaǵyn aýdanynda egildi.
«Meıirim shýaǵy» qoǵamdyq qorynyń jetekshisi Asqar Moldabek: «Júz jyldyǵyn oılaǵan aǵash egedi degen. Is-sharanyń ótýine at salysyp jatqan azamattardyń barlyǵy elim degen janashyrlar, qala belsendileri. Barlyǵymyz qalanyń gúldengenin qalaımyz» deıdi.
Shahar basshysy qala tirshiligine beıqam qaramaıtyn belsendi turǵyndarǵa óz alǵysyn jetkizdi. Budan bólek, elimizde jarııalanǵan tótenshe jaǵdaı kezinde qordyń atynan medıına mekemesine IVL apparattary men turǵyndarǵa dári-dármek, azyq-túlik úlestirilgenin de atap ótti.
Jalpy, «Meıirim shýaǵy» qoǵamdyq qorynyń maqsaty kópbalaly, jalǵyzbasty ana, turmysy tómen otbasylarǵa áleýmettik jáne moraldy kómek kórsetý arqyly olardyń qoǵamnyń ózin-ózi qamtyǵan otbasylar qataryna qosylýyna yqpal etý. Búgingi tańda balalardy reabılıtaııalyq-túzetý, damytý jumystarymen aınalysady. Onda qazir tirek-qımyl apparaty buzylǵan 120-130 balaǵa qyzmet kórsetilip jatyr.
Shymkent qalasy ákimdiginiń baspasóz qyzmeti
