Şymkentte «Jasyl qala» aǧaş otyrǧyzu ıs-şarasy öttı. İgı şaraǧa qala äkımı Mūrat Äitenov, sonymen bırge bırqatar ziialy qauym ökılderı men qala tūrǧyndary qatysty.
Atalǧan ıs-şarany ūiymdastyruşy ärı demeuşılık körsetuşı – «Meiırım şuaǧy» qoǧamdyq qory boldy. 1000 tüp aǧaş Şymsiti şaǧyn audanynda egıldı.
«Meiırım şuaǧy» qoǧamdyq qorynyŋ jetekşısı Asqar Moldabek: «Jüz jyldyǧyn oilaǧan aǧaş egedı degen. Is-şaranyŋ ötuıne at salysyp jatqan azamattardyŋ barlyǧy elım degen janaşyrlar, qala belsendılerı. Barlyǧymyz qalanyŋ güldengenın qalaimyz» deidı.
Şahar basşysy qala tırşılıgıne beiqam qaramaityn belsendı tūrǧyndarǧa öz alǧysyn jetkızdı. Būdan bölek, elımızde jariialanǧan tötenşe jaǧdai kezınde qordyŋ atynan medisina mekemesıne İVL apparattary men tūrǧyndarǧa därı-därmek, azyq-tülık ülestırılgenın de atap öttı.
Jalpy, «Meiırım şuaǧy» qoǧamdyq qorynyŋ maqsaty köpbalaly, jalǧyzbasty ana, tūrmysy tömen otbasylarǧa äleumettık jäne moraldy kömek körsetu arqyly olardyŋ qoǧamnyŋ özın-özı qamtyǧan otbasylar qataryna qosyluyna yqpal etu. Bügıngı taŋda balalardy reabilitasiialyq-tüzetu, damytu jūmystarymen ainalysady. Onda qazır tırek-qimyl apparaty būzylǧan 120-130 balaǧa qyzmet körsetılıp jatyr.
Şymkent qalasy äkımdıgınıŋ baspasöz qyzmetı
