Bul týraly búgin Aqparattyq-kommýnıkaııalyq ortalyǵynda ótken baspasóz májilisinde Shymkent qalasy ákiminiń orynbasary Maqsut Isahov málimdedi.
– Bıyl Shymkent qalasynyń ákimi Murat Áıtenovtiń tapsyrmasyna sáıkes, jol jóndeý jumystary barysynda shalǵaı aýdandardaǵy ishki oramdyq kóshelerdiń qurylysyna basymdyq berip otyrmyz. Alaıda jol jóndeý maýsymyn bastap ketýge aýa raıynyń qolaısyzdyǵy kedergi keltirýde. Byltyr naýryz aıynyń basynda oıyqtardy jamaý jáne jolaq syzý jumystary bastalyp edi. Al bul jyly jóndeý jumystaryna sáýir aıynyń ortasyna qaraı tolyqqandy kiriskeli otyrmyz, – dedi M.Isahov.
Osy oraıda qala ákiminiń orynbasary jolaýshylar kóligine baılanysty máselelerge de nazar aýdardy.
– Shymkent qalasynda jolaýshylarǵa qyzmet kórsetý sapasyn jaqsartý úshin metan gazymen júretin 590 jańa avtobýs satyp alynǵan bolatyn. Qazirgi tańda onyń 150-i iske qosylǵan. Al qalǵany gaz toltyrý kompressorlyq stanııasyna baılanysty bolyp tur. Sol sebepti bul jumystarǵa kúsh salýdamyz. Iaǵnı, búginde ekinshi stanııany salý jumysy aıaqtalýǵa jaqyn. Ekinshi beket 15 sáýirde iske qosylǵan soń, 300 jańa avtobýsty júrgizemiz. Jalpy, jyl sońyna deıin satyp alynǵan qoǵamdyq kóliktiń bárin tolyq júrgizýdi josparlap otyrmyz, – dedi ol.
Spıkerdiń sózinshe, búginde qaladaǵy elektrondy bılettendirý júıesi bir izge qoıylǵan. Atalǵan júıe jeke ınvestordyń qarajatyna júrgizilýde. Iaǵnı, bul ózgeriske qalalyq bıýdjetten qarjy jumsalyp otyrǵan joq. Osy rette Maqsut Pernebaıuly stýdentter men oqýshylarǵa tólem kartasyn rásimdeý ýaqyty 15 sáýirge deıin sozylǵanyn tilge tıek etti.
Brıfıng barysynda Shymkent qalalyq Jolaýshylar kóligi jáne avtomobıl joldary basqarmasynyń basshysy Erjan Joldasov 2021 jyldyń jol-kólik ınfraqurylymy boıynsha jan-jaqty baıandady.
Shymkent qalasynyń Aqparattyq-kommýnıkaııalyq ortalyǵy
Foto – Ernar Mamyr
