Būl turaly bügın Aqparattyq-kommunikasiialyq ortalyǧynda ötken baspasöz mäjılısınde Şymkent qalasy äkımınıŋ orynbasary Maqsūt İsahov mälımdedı.
– Biyl Şymkent qalasynyŋ äkımı Mūrat Äitenovtıŋ tapsyrmasyna säikes, jol jöndeu jūmystary barysynda şalǧai audandardaǧy ışkı oramdyq köşelerdıŋ qūrylysyna basymdyq berıp otyrmyz. Alaida jol jöndeu mausymyn bastap ketuge aua raiynyŋ qolaisyzdyǧy kedergı keltırude. Byltyr nauryz aiynyŋ basynda oiyqtardy jamau jäne jolaq syzu jūmystary bastalyp edı. Al būl jyly jöndeu jūmystaryna säuır aiynyŋ ortasyna qarai tolyqqandy kırıskelı otyrmyz, – dedı M.İsahov.
Osy oraida qala äkımınıŋ orynbasary jolauşylar kölıgıne bailanysty mäselelerge de nazar audardy.
– Şymkent qalasynda jolauşylarǧa qyzmet körsetu sapasyn jaqsartu üşın metan gazymen jüretın 590 jaŋa avtobus satyp alynǧan bolatyn. Qazırgı taŋda onyŋ 150-ı ıske qosylǧan. Al qalǧany gaz toltyru kompressorlyq stansiiasyna bailanysty bolyp tūr. Sol sebeptı būl jūmystarǧa küş saludamyz. Iаǧni, bügınde ekınşı stansiiany salu jūmysy aiaqtaluǧa jaqyn. Ekınşı beket 15 säuırde ıske qosylǧan soŋ, 300 jaŋa avtobusty jürgızemız. Jalpy, jyl soŋyna deiın satyp alynǧan qoǧamdyq kölıktıŋ bärın tolyq jürgızudı josparlap otyrmyz, – dedı ol.
Spikerdıŋ sözınşe, bügınde qaladaǧy elektrondy bilettendıru jüiesı bır ızge qoiylǧan. Atalǧan jüie jeke investordyŋ qarajatyna jürgızılude. Iаǧni, būl özgerıske qalalyq biudjetten qarjy jūmsalyp otyrǧan joq. Osy rette Maqsūt Pernebaiūly studentter men oquşylarǧa tölem kartasyn räsımdeu uaqyty 15 säuırge deiın sozylǧanyn tılge tiek ettı.
Brifing barysynda Şymkent qalalyq Jolauşylar kölıgı jäne avtomobil joldary basqarmasynyŋ basşysy Erjan Joldasov 2021 jyldyŋ jol-kölık infraqūrylymy boiynşa jan-jaqty baiandady.
Şymkent qalasynyŋ Aqparattyq-kommunikasiialyq ortalyǧy
Foto – Ernar Mamyr
