Shymkent qalasy energetıka jáne kommýnaldyq sharýashylyq basqarmasy tarapynan qaladaǵy N.Nazarbaev dańǵyly men J.Shaıahmetov kóshesinen Q.Pateev kóshesi aralyǵynda túngi jaryq shamdar ornatylyp jatyr.
Atalǵan kóshelerdiń boıyna jaryq shamdar ornatý jumystary osy jyldyń 1 naýryzynan bastaldy. Turǵyndardyń qaýipsizdigin arttyrý maqsatynda jasalynyp jatqan bul jumysqa barlyǵy 17 maman jumyldyrylǵan. Qazirgi ýaqytta 2 shaqyrym kóshege 51 jaryqtandyrý baǵanalary ornatylyp, jumystyń 70 paıyzy aıaqtalyp otyr. 2021 jyldyń 15 sáýirine deıin kósheni jaryqtandyý jumystary tolyq aıaqtalyp, paıdalanýǵa beriledi dep josparlanýda.
Budan ózge, 2021-2023 jyldary kósheni jaryqtandyrý men ony kútip ustaý boıynsha memlekettik-jekemenshik áriptestik aıasynda 16,4 mlrd. teńgege birqatar jobalar júzege asyrylady. Iaǵnı, joba aıasynda 312 kóshe jaryqtandyrylyp, energııa únemdeıtin LED shamdar ornatylmaq. Atap aıtqanda, Abaı aýdanyndaǵy 83 kóshe, Ál-Farabıdegi 42 kóshe, Eńbekshidegi 89 kóshe, Qarataýdaǵy 98 kóshe jaryqtandyrylady. Nátıjesinde qalany túńgi jaryq shamdarmen qamtý kórsetkishi 70 paıyzǵa jetetin bolady.
Aıta keterligi, qala kóshelerin jaryqtandyrýda birinshi kezekte shaǵynaýdandardaǵy áleýmettik nysandar ornalasqan (mektep, emhana, balabaqsha jáne t.b), ortalyq mańyzǵa (qoǵamdyq kólik qatynaıtyn) ıe kóshelerin qamtý josparlanyp otyr.
Shymkent qalasy ákimdiginiń baspasóz qyzmeti
