Nursultan Nazarbaev qorynyń dırektory, Qazaqstan Respýblıkasy Parlamenti Májilisiniń depýtaty Darıǵa Nazarbaeva men Almaty oblysynyń ákimi Amandyq Batalov Jambyl aýdanyna keldi.
Áýeli olar aýdan ortalyǵyndaǵy erekshe qajettilikteri bar balalarǵa arnalǵan «Qamqorlyq» ońaltý ortalyǵymen tanysty. Bul ortalyq jeltoqsan aıynda Táýelsizdik kúni merekesi qarsańynda Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń qatysýymen Elordada ótken «Táýelsizdik jolyn jalǵastyrar urpaq» atty forým aıasynda ashylǵan bolatyn. Sol forýmda Almaty, Atyraý, Batys Qazaqstan, Jambyl, Qostanaı, Túrkistan, Shyǵys Qazaqstan oblystary men Nur-Sultan qalasynda segiz ońaltý ortalyǵynyń tusaýy kesilgen edi. Elbasy bastamasymen ashylǵan «Qamqorlyq» ortalyqtarynda sodan bergi tórt aıda 1 186 bala ońaltý kýrsynan ótti.
Darıǵa Nursultanqyzyn «Qamqorlyq» ońaltý ortalyǵynyń jumysymen onyń meńgerýshisi Ásel Saýryqova tanystyrdy. Mártebeli meıman qajetti quraldarmen jabdyqtalǵan onnan astam bólmeni muqııat aralap shyǵyp, onda emdik sharalar qabyldap jatqan balalarmen jáne ata-analarmen tildesti.
Aýdandyq ortalyq aýrýhana ǵımaratynyń eki qabatynda ornalasqan ortalyqtyń aýmaǵy - 800 sharshy metr. Munda erebraldy paralıch, aýtızm, epılepsııa, aqyl-oıy kem, sóıleý tili damymaǵan, bronhókpe men júrek-qan tamyrlary júıesi aýrýlary bar balalar em qabyldaıdy. Innovaııalyq tehnologııalarǵa negizdelgen sapaly ári tıimdi, keshendi ońaltýdan ótýge jaǵdaı jasalǵan. Balalar men ata-analar medıınalyq emdeý sharalary, túzetý sabaqtary, oıynmen saýyqtyrý bólmelerimen qamtylǵan.
Munda qazirgi tańda Jambyl jáne oǵan jaqyn mańdaǵy aýdandarmen qatar Almaty qalasynan jáne ózge de oblystan kelgen 50 bala ata-anasymen birge ońaltýdan ótip jatyr. Osynda erebraldy sal aýrýyna shaldyqqan bir jarym jastaǵy Batyrhannyń anasy mekeme jumysyna dán rıza ekenin bildirdi. Mańǵystaý oblysynyń turǵyny bir kezderi Uzynaǵashta turǵan jáne «Qamqorlyq» ortalyǵynyń ashylýyn bilgen ájesiniń aıtýymen arnaıy kelgen eken. Kelinshek Nursultan Nazarbaev qorynyń dırektoryna erekshe qajettiligi bar balalar men olardyń ata-analaryna kórsetken osyndaı kómegi úshin shyn júrekten alǵys aıtyp, ulynyń ońaltýdan keıingi jaǵdaıyn baıandady. Qazir balasy selqos jatýdy qoıǵan, tósekten ózdiginen túsip, aıaǵyn jerge tireı alady, eńbekteýge tyrysady.
- Munda úsh aptalyq kýrstan ótip jatyrmyz, bizge bári óte unady. Barlyq jerde em-dom qabyldaý aqyly ári biz úshin óte qymbat. Al teginine uzyn-sonar kezektiń kesirinen kire almaımyz. Al bul jańa ortalyqta barlyǵy joǵary deńgeıde ári tegin. Eń áýeli ortalyqtyń mamandaryna alǵys aıtamyn. Talaı jerde boldyq, salystyryp aıtarymyz bar. Bul eń úzdik ortalyq, - dep Aıalanyń anasy Jibek Qanı da áserimen bólisti.
Jeti jastaǵy Nursultan Sheráliniń ájesi Fatıma apaı da keshen mamandarynyń joǵary kásibıligine tánti.
«Nemerem 15 kún boıy ońaltý kýrsynan ótip jatyr. Aıaǵyn basa almaıtyn. Qazir em-sharanyń arqasynda qaz-qaz basyp keledi. Revmatolog, massaj, terapııa syndy óte jaqsy keshendi em alýda», - dedi ol.
- Bul 2020 jyly Elbasynyń bastamasymen «Qamqorlyq» jobasy aıasynda ashylǵan 8 ońaltý ortalyǵynyń biri. Bıyl Nursultan Nazarbaev qory osy baǵdarlamanyń birinshi kezeńin iske asyrý barysynda jınaqtalǵan tájirıbeni qoldana otyryp, ońaltý modelin basqa aımaqtarda paıdalanýda. Shaǵyn qalalar men aýdan ortalyqtarynda qosymsha 10 ortalyq ashý josparda. Ońaltý qyzmetiniń sapasyn arttyryp, ortalyq jumysynyń turaqtylyǵyn qamtamasyz etetin mamandar daıarlaýǵa basa mán berip otyrmyz, – dedi tilshilerge suhbat bergen «Qamqorlyq qory» korporatıvtik qorynyń dırektory Araılym Erkinova.
Jalpy, Qazaqstan Respýblıkasynyń Tuńǵysh Prezıdenti N.Nazarbaevtyń bastamasyn júzege asyrý barysynda 2020 jyldyń jeltoqsanynan 2021 jyldyń naýryzyna deıingi aralyqta segiz «Qamqorlyq» ortalyǵynda 1186 bala em-shara aldy. Osy ońaltý ortalyqtarynda 98 bala basyn ustaýdy, 145 bala qolmen súıenýdi, 178-i ustaýdy, 93-i otyrýdy, 112-si qolyn jerge tirep júrýdi, 111-i eńbekteýdi, 139-y tireýmen turýdy, 60-y ózdigimen turýdy, 91-i tireýmen júrýdi jáne 30-y júrýdi úırendi.
Bıyl Aqtóbe, Aqmola, Almaty, Túrkistan, Jambyl, Mańǵystaý, Qyzylorda jáne Shyǵys Qazaqstan oblystarynda taǵy 8 ońaltý ortalyǵy men 2 erte aralasý ortalyǵyn ashý josparlanýda. Jalpy, bul bastamanyń ekinshi kezeńin iske asyrý jylyna 11 000 balany ońaltýǵa múmkindik beredi.
- Bul mekeme ashylǵanǵa deıin osy aýdandaǵy balalar Almaty, Nur-Sultan qalalarynan em alý úshin aılap-jyldap portal kútetin, - deıdi Uzynaǵashtaǵy ortalyq meńgerýshisi Ásel Qanatqyzy. – Endi olar úshin osyndaı qyzmet úzdiksiz qoljetimdi. Ortalyq jańa úlgidegi otandyq jáne sheteldik úzdik qondyrǵylarmen jabdyqtalǵan. Eń ozyq ıfrlyq jáne proekııalyq tehnologııalar qoldanylǵan. Ortalyq úshin 29 mamannan turatyn top arnaıy daıyndyqtan ótip, 30 qyzmetker eńbek etýde. Mamandar ár balamen jeke jumys júrgizedi. Munda balalarǵa 30-dan astam qyzmet aqysyz kórsetiledi. Jylyna 600 balany ońaltý sharalarynan ótkizýge múmkindigimiz bar. Aýdanda sal aýrýlarymen 126 bala tirkelgen bolsa, ortalyq jumysyn bastaǵan tórt aıda olardyń barlyǵy osynnan emdeý kýrsynan ótti. Nátıjesinde, onyń 17-si aıaqqa tursa, 3-eýi óz betinshe qımyl-qozǵalys jasaı alatyn jaǵdaıǵa kelip, ata-analaryn qýantty. Munyń syrtynda júrek-qan tamyrlary júıesinde aqaýy bar, otadan keıingi kezeńdegi, sondaı-aq, ókpesi dimkás jáne hromosomdy aqaýshylyǵy bar balalarǵa da qyzmet kórsetiledi.
Darıǵa Nazarbaeva balneoterapııa, logoped, fızıoterapııa, massaj, ergoterapııa, defektolog, emdik deneshynyqtyrý, jattyǵý jáne mehanoterapııa, tuz, galoıonoterapııa, bıokeribaılanys, qalpyna keltirý terapııasy, bos terapııa, shýngıt, sensorlyq bólmeleriniń jabdyqtalýyn kórdi.
Odan soń aýdan ortalyǵyndaǵy 100 oryndy perzenthanaǵa da at basyn burdy. Eldi meken shetindegi jańa shaǵynaýdanda jańadan boı kótergen úsh qabatty zamanaýı nysannyń syrtqy sáýleti kelisken, kórki kóz tartady. Onda Nursultan Nazarbaev qorynyń dırektoryna aldymen ǵımarat syrtynda turǵan dıagnostıkalyq medıınalyq jyljymaly keshen tanystyryldy.
Bul – úlken avtobýstyń ishine zamanaýı qurylǵylar ornatylyp, kóshpeli jaǵdaıda kóptegen aýrýdyń aldyn alý jumystaryn júrgizýge arnalǵan. Elektrokardıografııa, ýltradybystyq dıagnostıkalyq júıe, sandyq rentgen jáne flıýorografııalyq apparattar jáne 12 arnaly EKG apparaty syndy qajetti medıınalyq qurylǵylar ornatylǵan avtobýs-keshenniń múmkindigi mol. Onda sozylmaly ınfekııalyq emes aýrýlardy erte anyqtaý maqsatynda túrli tekserýler júrgizedi. Sondaı-aq, aýrýdyń damýynyń negizgi qaýip-faktorlaryn, sozylmaly ınfekııalyq aýrýlary bar adamdar densaýlyǵynyń jaı-kúıin, qajetti aldyn alý, terapııalyq, saýyqtyrý sharalaryn anyqtaý maqsatynda tereń zertteýge arnalǵan.
Bul, ásirese, shalǵaıdaǵy aýyl turǵyndary úshin úlken kómek. Oblysta dál osyndaı 17 keshen bar ekenin aıtty óńir basshysy. Árbir medıınalyq avtobýsta jalpy qabyldaý bólmesi, akýsher-gınekolog, sáýlelik dıagnostıka, jalpy tájirıbe dárigeriniń bólimshesi, dárihana, analız qabyldaý aımaǵy jáne portatıvti ýltradybystyq ekspert synyby ornatylǵan. Ári halyqty vakınaııalaýǵa arnalǵan beketter de bar. Darıǵa Nazarbaevaǵa jańa alynǵan jedel járdem kóligi de kórsetildi.
Perzenthananyń birinshi qabatynda halyq qalaýlysynyń nazaryna oblystyń densaýlyq saqtaý salasynan kórneki aqparat usynylyp, istiń jaıyn oblys ákiminiń orynbasary Batyrjan Baıjumanov baıandady. Óńir basshylyǵy qurylysy tez salynatyn modýldy medıınalyq keshenniń jobasymen tanystyryp, halyqqa qoljetimdi ambýlatorlyq kómektiń deńgeıin kóterý, koronavırýs boıynsha aǵymdaǵy jaǵdaı, indetke qarsy ekpe salý barysyn málimdedi.
Ótken jyldyń 1 maýsymynda iske qosylǵan perzenthananyń ishin aýdandyq ortalyq aýrýhananyń dırektory Damır Suraýjanov pen mekeme meńgerýshisi Baqytkúl Esimhanova kórsetti. Perzenthanada 49 medıına qyzmetkeri jumys isteıdi, zamanaýı qural-jabdyqtarmen tolyq qamtamasyz etilgen, halyqqa sapaly qyzmet kórsetýge mol múmkindikter qarastyrylǵan. Qyzmetkerlerdi áńgimege tartý kezinde 38 jyldyq jumys tájirıbesi bar akýsher Ultý Jaıabaeva osynda jumys isteýge barynsha jaǵdaı jasalǵanyna rızashylyǵyn bildirdi. Sondaı-aq, úsh balanyń anasy, tórtinshi perzentin kútip júrgen Amangúl Jekeı osyndaı zamanaýı perzenthananyń halyq ıgiligine berilgenine el basshylyǵyna alǵysyn jetkizdi.
Halyq sany jyldan-jylǵa ósip otyrǵan aýdanda 2019 jyly 4600 náreste dúnıege kelse, ótken jyly bes myńnan asa bala týǵan. Depýtat úshinshi qabattaǵy jansaqtaý bóliminiń jumysyn kórip, ondaǵy syrqattardyń halin bilip, tezirek aıyǵyp ketýlerin tiledi. Mamandandyrylǵan bul emdeý-aldyn alý mekemesinde ana men balaǵa joǵary bilikti staıonarlyq dárigerlik kómek kórsetiledi. Sonymen qatar, dıagnostıka júrgizilip, áıelderge akýsherlik-gınekologııalyq keńes beriledi.
Darıǵa Nazarbaevanyń Jetisý óńirine jasaǵan jumys sapary Shamalǵan aýylyndaǵy sport-saýyqtyrý kesheni men Tuńǵysh Prezıdent - Elbasynyń «Atameken» tarıhı-mádenı ortalyǵyn aralaýmen aıaqtaldy.
