«Samruk-Kazyna Trust» áleýmettik jobalardy damytý qorynyń qoldaýymen jóndeý júrgizilip, jańa ońaltý jabdyǵy ornatylǵan «Zeıin-Atyraý» erekshe balalardy damytý ortalyǵynda saltanatty ashylý rásimi ótti. Sonymen qatar, ortalyqta, «Samuryq-Qazyna» AQ kompanııalar toby atynan Tomatıs-terapııanyń zamanaýı ádistemesi engizilip, balalarmen sabaq ótkizýge arnalǵan sensorlyq burysh jasaldy jáne balalar basseıni ornatyldy. Jobanyń quny 27 mıllıon teńgeden asyp otyr.
«Biz 2019 jyldan beri «Inklıýzııa Bolashaq Atyraý» qoǵamdyq birlestigimen yntymaqtasyp kelemiz jáne seriktesterimizde bolyp jatqan oń jańalyqtarǵa qýanyshtymyz. Erekshe balalarǵa arnalǵan damý ortalyǵynyń basshylyǵy tynymsyz izdenip, balalardy ońaltýǵa barynsha tamasha jaǵdaı jasaýǵa kúsh salatyny quptaýǵa turarlyq. «Samuryq-Qazyna» AQ portfeldik kompanııalary ben enshiles uıymdary jumys isteıtin óńirlerde áleýmettik bastamalardy qoldaý arqyly, biz, búkil el boıynsha ómir súrý sapasyn birge jaqsartamyz», - dep atap ótti «Samruk-Kazyna Trust» áleýmettik jobalardy damytý qorynyń bas dırektory Alfııa Adıeva.
Munda aı saıyn 102 bala ońaltýdan ótedi. Úsh jyl ishinde ortalyqta tárbıelengen 30-ǵa jýyq erekshe bala qatarlastarymen birge balabaqshaǵa barýǵa múmkindik aldy, al 15 bala mektep tabaldyryǵyn attady.
«Bıyl «Samruk-Kazyna Trust» qorynyń qoldaýymen «Zeıin-Atyraý» erekshe balalardy damytý ortalyǵynda erekshe bilim berý qajettilikteri bar 50 balaǵa 120 tegin kýrs uıymdastyrylýda», - dedi ortalyq basshysy Araılym Nuǵmanova.
Ortalyq psıhıkalyq jáne sóıleý qabileti buzylǵan, aýtızm, erebraldy sal aýrýy jáne Daýn sındromy bar balalardy jan-jaqty damytýmen aınalysady. Ortalyqta balalarǵa AVA-terapııa, neırogımnastıka, sensorlyq ıntegraııa, beıimdelgen sport ádisteri arqyly keshendi kózqaras qoldanylady jáne logoped, psıholog qyzmetteri kórsetiledi.
