Şymkent qalasy mäslihatynyŋ kezekten tys törtınşı sessiiasynda deputattar Äl-Farabi audanynyŋ äkımı lauazymyna ūsynylǧan Raşid Mamytūly Myŋbaevtyŋ kandidaturasyn bırauyzdan qoldady.
Sessiia jūmysyna qatysqan qala äkımı Mūrat Äitenov audan äkımı lauazymyna ūsynylǧan Raşid Mamytūly kandidaturasyna qoldau körsetkenderı üşın halyq qalaulylaryna alǧys bıldırdı. Sonymen bırge jaŋa audan äkımıne jüktelgen mındettı joǧary käsıbi därejede jüzege asyratynyna senım bıldıre otyryp, Eskı qalaşyq jobasy men D.Qonaev daŋǧyly jalǧasynyŋ qūrylystarynda ūiymdastyru jūmystaryn jürgızudı tapsyrdy.
Raşid Myŋbaev 1981 jyly OQO Bäidıbek audany Şaian auylynda düniege kelgen. Bılımı - joǧary, mamandyǧy-zaŋger, ekonomist, memlekettık jäne jergılıktı basqaru magistrı.
Eŋbek jolyn 2002 jyly QR Ädılet ministrlıgınıŋ normativtık qūqyqtyq aktılerdı kodifikasiialau jäne jüieleu basqarmasyndaǧy normativtık-qūqyqtyq aktılerdı kodifikasiialau bölımınıŋ jetekşı mamany bolyp bastaǧan. 2006-2007 jyldary zaŋǧa täueldı aktılerdı saraptau basqarmasy bastyǧynyŋ orynbasary – QR Ädılet ministrlıgı Zaŋǧa täueldı aktıler departamentınıŋ qorǧanys, qūqyq tärtıbı jäne syrtqy bailanys mäselelerı boiynşa aktılerdı saraptau bölımınıŋ basşysy lauazymyn atqardy.
2007 jyly QR Prezidentınıŋ janyndaǧy Memlekettık basqaru akademiiasyna tüsıp, 2009 jyly «memlekettık jäne jergılıktı basqaru» magistrı atandy. Raşid Myŋbaevtyŋ qyzmettık joly Oŋtüstık Qazaqstan oblysy äkımınıŋ keŋesşısı, kömekşısı, keiınnen qoǧamdyq qatynastar monitoringı bölımınıŋ meŋgeruşısı qyzmetterımen jalǧasty.
Sonymen qatar, 2016-2019 jyldary Kentau qalasy äkımınıŋ orynbasary, Şymkent qalasynyŋ mädeniet, tılderdı damytu jäne arhivter basqarmasynyŋ basşysy boldy. 2020 jyldan bügıngı künge deiın qala äkımı apparaty basşysynyŋ orynbasary qyzmetın atqaryp keldı.
Sessiianyŋ kün tärtıbınde sonymen qatar, Şymkent qalasy äkımdıgınıŋ derbes qūramyna özgerıs engızu mäselesı qaraldy.
Sessiia soŋynda qala basşysy barlyq deputattarǧa sanitarlyq-epidemiologiialyq talaptardy saqtau boiynşa tūrǧyndarǧa ündeu jasaudy aityp, bırlese jūmyla jūmys ısteuge şaqyrdy.
Şymkent qalasy äkımdıgınıŋ baspasöz qyzmetı
