Shymkenttegi Ál-Farabı aýdanyna jańa ákim taǵaıyndaldy

2575
Adyrna.kz Telegram

Shymkent qalasy máslıhatynyń kezekten tys tórtinshi sessııasynda depýtattar Ál-Farabı aýdanynyń ákimi laýazymyna usynylǵan Rashıd Mamytuly Myńbaevtyń kandıdatýrasyn biraýyzdan qoldady.

Sessııa jumysyna qatysqan qala ákimi Murat Áıtenov aýdan ákimi laýazymyna usynylǵan Rashıd Mamytuly kandıdatýrasyna qoldaý kórsetkenderi úshin halyq qalaýlylaryna alǵys bildirdi. Sonymen birge jańa aýdan ákimine júktelgen mindetti joǵary kásibı dárejede júzege asyratynyna senim bildire otyryp, Eski qalashyq jobasy men D.Qonaev dańǵyly jalǵasynyń qurylystarynda uıymdastyrý jumystaryn júrgizýdi tapsyrdy.

Rashıd Myńbaev 1981 jyly OQO Báıdibek aýdany Shaıan aýylynda dúnıege kelgen. Bilimi - joǵary, mamandyǵy-zańger, ekonomıst, memlekettik jáne jergilikti basqarý magıstri.

Eńbek jolyn 2002 jyly QR Ádilet mınıstrliginiń normatıvtik quqyqtyq aktilerdi kodıfıkaııalaý jáne júıeleý basqarmasyndaǵy normatıvtik-quqyqtyq aktilerdi kodıfıkaııalaý bóliminiń jetekshi mamany bolyp bastaǵan. 2006-2007 jyldary zańǵa táýeldi aktilerdi saraptaý basqarmasy bastyǵynyń orynbasary – QR Ádilet mınıstrligi Zańǵa táýeldi aktiler departamentiniń qorǵanys, quqyq tártibi jáne syrtqy baılanys máseleleri boıynsha aktilerdi saraptaý bóliminiń basshysy laýazymyn atqardy.

2007 jyly QR Prezıdentiniń janyndaǵy Memlekettik basqarý akademııasyna túsip, 2009 jyly «memlekettik jáne jergilikti basqarý» magıstri atandy. Rashıd Myńbaevtyń qyzmettik joly Ońtústik Qazaqstan oblysy ákiminiń keńesshisi, kómekshisi, keıinnen qoǵamdyq qatynastar monıtorıngi bóliminiń meńgerýshisi qyzmetterimen jalǵasty.

Sonymen qatar, 2016-2019 jyldary Kentaý qalasy ákiminiń orynbasary, Shymkent qalasynyń mádenıet, tilderdi damytý jáne arhıvter basqarmasynyń basshysy boldy. 2020 jyldan búgingi kúnge deıin qala ákimi apparaty basshysynyń orynbasary qyzmetin atqaryp keldi.

Sessııanyń kún tártibinde sonymen qatar, Shymkent qalasy ákimdiginiń derbes quramyna ózgeris engizý máselesi qaraldy.

Sessııa sońynda qala basshysy barlyq depýtattarǵa sanıtarlyq-epıdemıologııalyq talaptardy saqtaý boıynsha turǵyndarǵa úndeý jasaýdy aıtyp, birlese jumyla jumys isteýge shaqyrdy.

Shymkent qalasy ákimdiginiń baspasóz qyzmeti

 

 

Pikirler