Bul zań jobasyn kimder ázirlep, májilistiń qaraýynan ótkizip, senattyń maquldaýyna tapsyryp otyr?
Senatta qaralyp jatqan qujatta Orman sharýashylyǵyna qatysty sanattaǵy jerlerdi sheteldikter men azamattaǵy joq adamdarǵa 25 jylǵa jalǵa berý men aýkıon arqyly alý boıynsha bap bar. Ózderińiz bilesizder, keshegi jumysy nátıjesiz aıaqtalǵan jerkomda tek aýylsharýashylyǵy sanatyndaǵy jerler ǵana talqylanyp, ózge sanattaǵy jerlerdi aınalshyqtap ótti. Sol aınalshyqtaýdyń arqasynda 48 baptyń 2 tarmaǵy qoǵamnyń, azamattardyń nazaryna ilikti.
Dos Kóshimniń aıtýynsha, bul zań jobasy erterekte prezıdenttiń aıtýymen daıyndalǵan. Biraz ǵana buryn prezıdenttiń ózi "Jer sheteldikterge satylmaıdy jáne jalǵa berilmeıdi" dedi. Prezıdent aıtqan negizi aýylsharýashylyǵyna qatysty jer sanattary bolatyn. Al endi keshegi jerkomnyń bul bapqa eshqandaı da qatysy bolmaǵan. Sonda bul zań jobasyn kimder ázirlep, májilistiń qaraýynan ótkizip, senattyń maquldaýyna tapsyryp otyr?
Álde bul jerde jasyryn ekinshi jerkom jumys jasap jatyr ma?
Bul zań jobasy qazir senatta talqylanyp jatyr. 48 baptyń 2 tarmaǵynyń teksti mynadaı:«Saýda-sattyqtyń (konkýrstardyń, aýkıondardyń) jeńimpazdaryna – sheteldikter men azamattyǵy joq adamdarǵa aýyl sharýashylyǵy óndirisin, orman ósirýdi, qosalqy aýyl sharýashylyǵyn júrgizý úshin jer ýchaskeleri 25 jylǵa deıingi merzimmen jaldaý sharttarymen ýaqytsha jer paıdalanýǵa beriledi». Zań jobasynda aýyl sharýashylyǵyn óndirisi men orman ósirýdi, qosalqy aýyl sharýashylyǵyn júrgizý úshin dep anyq aıtyp jatyr.
Bul zań jobasynyń senatta qaralyp jatqanynan depýtat Aıdos Sarymnyń da, elge belgili saıasatker Dos Kóshimniń de, jerkom múshesi, qoıshy Almasbektiń de habary joq. Aqordaǵa tabany birtaban jaqyndaý, úkimet pen parlament keńselerinde osyndaı jasyryn proester júrip jatqanyn bul azamattardyń bilmeı qalǵany qalaı boldy?
Eger de atalǵan zań jobasy senatta maquldanatyn bolsa, orman sharýashylyǵy sanatyndaǵy jerler 25 jylǵa aýkıonmen sheteldikterge jalǵa beriledi. Al bul bapqa qosarlarǵan aýylsharýashylyǵy óndirisi, qosalqy aýylsharýashylyǵyn júrgizý degeni taǵy bar. Ary qaraı ózińiz oılanyp kózińiz!
Sol mańaıdaǵy azamattardan jaýap kútemin!
Múmkin, Muhtar Taıjan aǵamyz jaýap berer...!
Bekbolat QARJAN,
"Adyrna" ulttyq portaly
