Taŋerteŋnen berı ekı-üş tanysym habarlasty (jekege şyqty, sms tastady). Renjıp jatyr, qysqasy, “KazGu qalaşyǧyna tiıstı jer(ler)dıŋ "bölınetını bölınıp", "satylatyny satylyp" qoiǧan. Endı kelıp, Elbasynyŋ qyzyna jalbaqtap hat jazyp ne boldy sonşa? Jazsaŋ, dūrystap jazsaŋşy" dep...“Renışterdıŋ” maǧynasy şamamen osyndai endı. Bıraq “dūrystap jazu” degen ne osy? Asanqaiǧylanyp ahylap-ükıleu me, qalǧan-qūtqan şaşymdy jūlyp aşu-yza bıldıru me, joq älde osynyŋ bärın qūrtqan sen dep aiyptau ma, onşa tüsınbedım.
Aǧaiyn,
A) "bölınıp qoidy", "satylyp qoidy" dep otyra bersek, eşteŋe özgermeidı. Bügın KazGu qalaşyǧy, erteŋ basqasy... Al arǧy künı üiıŋızdı tartyp alyp jatsa, "joǧarydaǧylar bölıp qoidy au", "söitıp şeşıp qoidy ǧoi" dep otyra beresız be?
Ä) Hatty äleumettık jelı arqyly prezidentke de, bas partiianyŋ basşylyǧyndaǧy bır kısıge de joldadym. Resmi türde bolmasa da jetkızetınder jetkızgen şyǧar degen ümıttemın. Endı bügın “joǧarydaǧylarǧa” sözı ötedı ǧoi dep Äliia Nazarbaevaǧa joldap otyrmyn. Ol ündemese basqasyna joldaimyn. Basqasy "baiqamasa", basqalaryna tynyştyq bermeimın.
Al sız otyra (jata) berıŋız. Bärıbır eşteŋe özgermeidı.
Aitpaqşy, ūmytyp baramyn. Qūrmettı KazGu tülekterı, osy mäsele boiynşa “ulap-şulap” jatqandardyŋ sany(myz) mol emes. Negızı (bız) köppız ǧoi. Nege ündemeisızder? Süiıktı qalaşyǧymyzdyŋ jerın bölşektep taratyp jatqanda, jandaryŋyz nege auyrmaidy? Studentter, sızder nege beiǧamsyzdar? Almaty tūrǧyndary, qalanyŋ auasy onsyz da ulanyp bıtkenın jaqsy bılesızder. Qazır qalanyŋ qaq ortasyndaǧy bos jerlerge ǧimarat emes, aǧaş egu (otyrǧyzu) öte maŋyzdy ekenın nege ūqpaisyzdar?
Qazaqstandyqtar, nemqūraily bolyp qalmasaŋdarşy! KazGu qalaşyǧy - qazırgı atqamınerlerdıŋ äkelerınen qalǧan jer emes. Būl ata-babamyzdan qalǧan ortaq mūra. Ony toiymsyz şibörılerdıŋ jemı etpei, keler ūrpaq üşın saqtap qalaiyq. Būl jerde sız ben bızdıŋ bala-şaǧamyz ben nemere-şöberemız oqidy älı (bolaşaqta). Olar da öspei me, örkendemei me? Olardyŋ jasyl jelekke bölengen studentter qalaşyǧynda emes, biznes ortalyqtar men bai-şonjarlar meken etetın biık üiler arasynda tūnşyǧyp jürgenın qalaisyz ba? Men qalamaimyn.
Serık Abas-şahtyŋ jazbasynan.
Ūqsas jaŋalyqtar
