Kembrıjd ýnıversıtetiniń ǵalymdary K2-18b ekzoplanetasynda tirshilik bolýy múmkin degen sheshimge keldi. Bul týraly maqala The Astrophysical Journal Letters basylymynda jarııalandy, dep habarlaıdy “Adyrna” ulttyq portaly.
Ǵalymdar «Djeıms Ýebb» teleskopymen ekzoplanetasyna úńilgende Jer betindegi tiri aǵzalar shyǵaratyn dımetılsýlfıd pen dımetıldısýlfıdti gazyn anyqtaǵan. Bul gaz kóp bolǵandyqtan «K2-18b ekzoplanetasynda tirshilik qaınap jatyr» degen tujyrym bar.
Ǵalymdar K2-18b ekzoplanetasyn «Sýper Jer» dep ataıdy. Sebebi onyń kólemi Jerden eki jarym esege úlken. Ári Jerden 11 trln km jerde jatyr. Qazir adamzatta bul qashyqtyqty eńserer ushaq ıa raketa joq.
Ǵalymdar DMS jáne DMDS izderi K2-18b atmosferasynda «belgisiz hımııalyq proestiń» nátıjesinde de paıda bolýy múmkin ekenin joqqa shyǵarmaıdy. Bul organıkalyq qosylystardyń Kún júıesinen tys kezdeısoq paıda bolý yqtımaldyǵy 0,3% quraıdy, alaıda ǵylymı jańalyq retinde rastaý úshin bul kórsetkish 0,00006%-dan tómen bolýy kerek.
«Qazir bul bizde bar eń senimdi dálel — bir jerde ómir bar bolýy múmkin. Men bul dáleldi bir-eki jyl ishinde naqty rastaı alamyz dep shynaıy túrde aıta alamyn», – dedi zertteý jetekshisi Madhýsýdhan BBC medıakompanııasyna bergen suhbatynda.
Onyń aıtýynsha, eger K2-18b-da tirshilik bary rastalsa, «biz bul arqyly galaktıkamyzda ómir keń taralǵan degendi is júzinde rastaımyz».