Almaty oblysynda bılım beru salalarynda 34 memlekettık qyzmet belgılengen. Onyŋ 30-y avtomattandyrylǧan, 4-euı qaǧaz türınde körsetıledı. Būl turaly oblystyq bılım basqarmasymen ötken baspasöz-mäslihaty barysynda belgılı boldy.
Ötken jyly bılım basqarmasy jäne basqarmaǧa qarasty oblystyq mekemeler, audandyq, qalalyq bılım bölımderımen – 170 306 memlekettık qyzmet körsetılse, atalǧan sala boiynşa öŋır tūrǧyndary jyl basynan 57 766 memlekettık qyzmet türıne jügıngen.
Aita keteiık, QR Bılım jäne ǧylym ministrlıgınıŋ būiryǧyna säikes, bırınşı synyp oquşylarynyŋ qūjattaryn qabyldau 1 säuırden bastalyp, 1 tamyzǧa deiın jalǧasady.
- 2020-2021 oqu jylynda 1 synypqa 47 007 bala qabyldansa, aǧymdaǧy jylǧa 1 synypqa 49 000 juyq bala qabyldau josparlanyp otyr. Qūjattardy egov.kz arqyly jäne qaǧaz jüzınde beruge bolady, - deidı oblystyq bılım basqarmasy basşysynyŋ orynbasary Jaŋyl Süleimenova.Biylǧy jyly bılım beru salasyna qatysty 9 memlekettık körsetıletın qyzmettı oblys äkımdıgınıŋ vedomstvolyq baǧynystaǧy mekemelerınıŋ ortalyqtandyrylǧan derekter bazasy arqyly aluǧa da bolady. Ol - «e-zhetysu.kz» portaly. Jüiede 1328 mektepke deiıngı ūiym men 721 mektep tırkelgen. Osy uaqyt aralyǧynda osy jüienıŋ kömegımen 69 774 bala joldama alyp, mektepke deiıngı tärbiemen qamtylyp ülgergen.
Ūqsas jaŋalyqtar
