QR Bılım jäne ǧylym ministrınıŋ būiryǧymen bılım beru ūiymdaryna alyp baruǧa tyiym salynǧan jäne paidalanuǧa bolmaityn zattardyŋ tızımı bekıtıldı dep habarlaidy "Adyrna" ūlttyq portaly.
Atap aitsaq, būl tızımge qarudyŋ barlyq türı, oq-därıler, jarylǧyş zattar, sondai-aq tesuge jäne kesuge arnalǧan zattar kıredı.
Jaŋa normany engızu oquşylar üşın qauıpsız jäne jaily orta qalyptastyruǧa, sondai-aq qūqyq būzuşylyqtardy uaqytyly anyqtauǧa jäne onyŋ aldyn aluǧa mümkındık beredı.
Osylaişa, mektepterge qaru men oǧan syrtqy ūqsastyǧy bar zattardy äkeluge qataŋ tyiym salynady. Būdan bölek, bılım beru ūiymdarynda şanşityn, kesetın jäne ötkır zattardy, önerkäsıptık qūraldardy, oq-därılerdı, jarylǧyş, uly, psihoaktivtı zattardy äkeluge jäne paidalanuǧa jol berılmeidı.
Sondai-aq mektep oquşylarynyŋ oqu sabaqtary kezınde smartfon, planşet, pleierlerdı paidalanuyna şekteu engızıledı.
Būl şekteuler densaulyqty baqylau üşın smartfondy qajet etetın erekşe bılım beru qajettılıkterı bar balalarǧa qatysty emes. Mäselen, qant diabetı bar oquşylarǧa qandaǧy qantty baqylau üşın smartfon qajet boluy mümkın.
"Adyrna" ūlttyq portaly.
