Qasiettı Ramazan aiy bastalǧaly Almaty oblysynda köptegen igı ıs atqaryluda. Osyǧan säikes Taldyqorǧandaǧy ortalyq «İman» meşıtınde 1000 adamǧa auyzaşar retınde azyq-tülık taratyldy. Aimaqtaǧy meşıt imamdary ūiytqy bolǧan būl şaraǧa «Qarailas» jobasy qoldau körsetken.
Joba jetekşısı Janädıl Raiymbekovtyŋ aituynşa, jaqynda ǧana qūrylǧan «Qarailas» jobasynyŋ basty maqsaty – tūrmysynda qiynşylyǧy bar jäne mūqtaj jandarǧa kömek körsetumen qatar jaŋadan jūmys bastaǧan käsıp ielerın qoldau. Osyǧan deiın Almaty maŋyndaǧy Baiserke auylyndaǧy 8 balanyŋ anasy Säulenıŋ käsıbın qoldap, bırneşe tıgın maşinasymen basqa da zattar satyp alyp berse, Gauhar esımdı taǧy bır jalǧyzbasty üş balanyŋ anasyna arnaiy sūlulyq salonyn aşyp bergen.
- Būl jolǧy ülestırılgen auyzaşar qorjynyna da osy «Qarailas» qory ülken kömek körsettı. Al, auyzaşar taǧamy eldegı etek alyp tūrǧan ındetke bailanysty är otbasyna jetkızıp berıldı. Oǧan aimaqtaǧy jastar saiasaty basqarmasynyŋ jas mamandary, erıktıler jäne kölık jürgızuşılerı jan-jaqty atsalysty. Taratylǧan azyq- tülıktermen aimaqtaǧy ındetpen küresıp jatqan därıgerler, basqa da mūqtaj jandar, oraza ūstauşylar, sondai-aq türmedegı jazasyn ötep jatqandar men küzetşıler jäne tazalyqşylarǧa deiın tegıs qamtyldy, -dedı QMDB-nyŋ Taldyqorǧan öŋırı boiynşa bas imamy Ardaq qajy Nüsıphanūly.
Ūqsas jaŋalyqtar
