Forbes älemdegı eŋ bai adamdardyŋ jaŋa reitingın jariialady. Tızımde 839 mlrd dollar bailyǧymen İlon Mask aiqyn basymdyqpen köş bastap tūr, dep habarlaidy «Adyrna» tılşısı.
Odan keiın Larri Peidj (257 mlrd), Sergei Brin (237 mlrd), Djeff Bezos (224 mlrd) jäne Mark Sukerberg (222 mlrd) ornalasqan. Jalpy alǧanda, būl bestıktıŋ jiyntyq bailyǧy 1,8 trillion dollarǧa juyqtaidy.
Alaida zertteu kütpegen jaitty atap ötedı. Forbes mälımetınşe, Mask – eŋ az qaiyrymdylyq jasaityn milliarderlerdıŋ bırı.
«Mask özınıŋ qaiyrymdylyq qorlaryna 8,5 milliard dollar kölemınde Tesla aksiialaryn (bailyǧynyŋ şamamen 1%-y) audarǧan. Alaida būl qarajattyŋ basym bölıgı älı künge deiın paidalanylmaǧan. Baǧalaular boiynşa, Masktyŋ orasan bailyǧynan mūqtaj jandarǧa bölıngen qarjy şamamen 500 million dollardy ǧana, iaǧni 0,06%-dy qūraidy»,– delıngen habarlamada.
