Aqtöbe oblysynda Özbekstan azamaty 147 ret jol-kölık erejesın būzǧan dep habarlaidy "Adyrna" ūlttyq portalynyŋ tılşısı.
Oblystyq polisiia departamentı äkımşılık polisiia basqarmasynyŋ qyzmetkerlerı "Miraj-Uragan" modernizasiialanǧan jüiesınıŋ kömegımen Özbekstan Respublikasy azamatynyŋ jyl basynan berı 147 ret VAZ-21099 avtokölıgımen jol erejesın būzǧanyn anyqtady.
Qala joldarynda jürgızuşı jyldamdyq rejimınen 146 ret asyp, bır ret baǧdarşamnyŋ tyiym salatyn signalyna ötıp ketken. Qazırgı taŋda jürgızuşıge jalpy mölşerı 3 mln 390 myŋ teŋgenı qūraityn aiyppūl salynǧan.Polisiia endı material jinap, şeşım qabyldau üşın ıstı äkımşılık sotqa jıberetın bolady. Aita ketu kerek, jyl basynan berı "Miraj-Uragan" modernizasiialanǧan jüiesınıŋ kömegımen būryn kölık qūraldaryn basqaru qūqyǧynan aiyrylǧan 46 jürgızuşı men 113 memlekettık boryşker anyqtalyp, 21 mln teŋgeden astam qarajat öndırılgen.
"Adyrna" ūlttyq portaly.
