Almaty oblysynda «Taza Qazaqstan» baǧdarlamasy aiasynda qoǧamdyq oryndardyŋ tazalyǧy men tärtıbın saqtauǧa baǧyttalǧan şaralar küşeitıldı. Baqylau reidter barysynda ǧana emes, äleumettık jelılerdı monitoringteu arqyly da jürgızılude. Būl turaly Öŋırlık kommunikasiialar qyzmetınde ötken brifingte Almaty oblystyq Qoǧamdyq qauıpsızdık basqarmasy bastyǧynyŋ orynbasary, polisiia polkovnigı Rahym Tolokūlov mälımdedı.
Jyl basynan berı öŋırde 10 myŋnan astam äkımşılık qūqyq būzuşylyq anyqtalǧan. Onyŋ ışınde 239 derek qoǧamdyq oryndardy lastaumen bailanysty bolsa, 9 878 jaǧdai aumaqtardy abattandyru qaǧidalaryn būzu boiynşa tırkelgen. Polisiia mälımetınşe, qūqyq būzuşylarǧa 10 mln teŋgeden astam aiyppūl salynǧan, onyŋ şamamen 6 mln teŋgesı öndırılgen.
«Taza Qazaqstan» baǧdarlamasy ıske qosylǧan sätten iuastap, iaǧni 2024 jyldyŋ säuır aiynan berı oblysta qoǧamdyq oryndardy lastauǧa qatysty 4 866 qūqyq būzuşylyq jäne abattandyru qaǧidalaryn būzudyŋ 46 300 faktısı tırkelgen. Ekı jyl ışınde salynǧan aiyppūldardyŋ jalpy somasy 169 mln teŋgeden asty.
«Qazırgı taŋda jūmys reidter arqyly ǧana jürgızılmeidı. Bız äkımdıkpen jäne qoǧam belsendılerımen bırlesıp, äleumettık jelılerge kün saiyn monitoring jürgızemız. Zaŋsyz qoqys tögu derekterın anyqtap, jedel äreket etudemız. Jyl basynan berı internet monitoringı arqyly 24 rūqsatsyz qoqys üiındısı anyqtaldy. Jalpy baǧdarlama bastalǧaly tek äleumettık jelıler arqyly 82 zaŋsyz qoqys tögu orny anyqtalyp, onyŋ 65-ı joiyldy. Anyqtalǧan barlyq derekter boiynşa materialdar tiıstı şara qabyldau üşın Ekologiia departamentıne de joldanady», – dedı Almaty oblystyq Qoǧamdyq qauıpsızdık basqarmasy bastyǧynyŋ orynbasary Rahym Tolokūlov.
Baqylaudy küşeitu maqsatynda öŋırde polisiia, tabiǧatty qorǧau organdary, erıktıler, qoǧam belsendılerı, biudjettık ūiymdar men biznes ökılderınıŋ qatysuymen 30 mobildı top qūrylǧan. Reidtık ıs-şaralarǧa 338 adam tartylǧan, onyŋ 313-ı – polisiia qyzmetkerlerı.
Aite keteiık, jyl basynan berı 350 reid ötkızıldı. Zaŋ talaptaryn būzǧandardy anyqtau jäne rūqsatsyz qoqys üiındılerın joiu jūmystary küşeitılgen rejimde jalǧasyn tabady.
