El prezıdenti Q.Toqaev óz joldaýyna buqara men bılik arasyn jaqyndatý maqsatynda "Halyq únine qulaq asatyn memleket" tujyrymdamasyn usynǵan bolatyn. Osy tujyrymdy júıeli júzege asyrý maqsatynda Almaty oblysyna qarasty Sheńgeldi aýyldyq okrýginde halyqqa bir jerden elektrondy negizde qyzmet kórsetetin servıstik ákimdik ashyldy. Oǵan Almaty oblysy ákiminiń orynbasary Jeńis TUIaQOV, Qazaqstan Respýblıkasy Sybaılas jemqorlyqqa qarsy is-qımyl agenttiginiń Almaty oblysy boıynsha departamenti basshysynyń orynbasary Jandos JUMABAEV qatysty.
Ortalyqta halyq pen memlekettik qyzmetker arasynda ashyqtyq, qoǵamdyq dıalog, kóptiń muń-muqtajyna jedel kómek kórsetý prınıpi negizinde jedel qyzmet júzege asyrylmaqshy.
Jınalǵandar aldynda sóz alǵan oblys ákiminiń orynbasary Jeńis Tuıaqov oblysta osyndaı 20 servıstik ortalyqtyń ashylǵandyǵyn aıtty. Onyń sózinshe, halyqqa kórsetiletin 170 memlekettik qyzmettiń búginde 153-i elektrondy negizge kóshirilgen.
Jeńis Shylbynuly servıstik ortalyqqa múgedekter arbasymen kiretinder úshin jasalǵan pandýs pen shaqyrý qońyraýynyń sapasyna kóńil bóldi. Servıstik ákimdikte jer qatynastary, sáýlet, TKSh jáne turǵyn úı ınspekııasy, áleýmettik qamsyzdandyrý, jumysqa ornalastyrý, bilim berý, qujattardy qabyldaý jáne berý máselelerine jaýapty mamandar qyzmet etedi.
Ortalyqtyń saltanatty ashylýynda Qapshaǵaı qalasynyń ákimi Nurlan Qumataev atalmysh okrýg boıynsha Sheńgeldi, Kerbulaq, Sarybulaq, Qosqudyq, Aqózek aýyldarynda ózine-ózi qyzmet kórsetý buryshtary bar ekenin aıtty. Ol bolashaqta qujat rásimdeý máselesin budan da keńeıte túsetinderin jetkizdi.
Sharada Qapshaǵaı qalasy aqsaqaldar keńesiniń tóraǵasy Amangeldi Besbaev sóılep, Qapshaǵaı men Sheńgeldiniń arasy 47 shaqyrym ekenine toqtalyp, eldi mekennen servıstik ortalyqty ashýdyń tıimdiligine toqtaldy.
