Qazaqstan Respublikasynyŋ Mädeniet jäne aqparat ministrlıgı jastardy qoldauǧa baǧyttalǧan memlekettık saiasatty ıske asyryp keledı.
Memleket basşysy Qasym-Jomart Toqaev bırneşe ret atap ötkendei, jas ūrpaq – Qazaqstandy jaŋǧyrtudyŋ basty qozǧauşy küşı ärı Ädılettı Qazaqstandy qūruǧa baǧyttalǧan reformalardyŋ belsendı qatysuşysy boluy tiıs.
Bügınde elımızdegı jastar sany respublika halqynyŋ şamamen üşten bırın qūraidy – 5 817 339 adam.
Osyǧan bailanysty memlekettıŋ negızgı mındetı – jastardyŋ bılım aluyna, eŋbekke aralasuyna, käsıpkerlıkpen ainalysuyna, şyǧarmaşylyq äleuetın damytuyna jäne qoǧamdyq ömırge belsendı qatysuyna qajettı jaǧdai jasau.
Talantty jastardy qoldaudyŋ maŋyzdy tetıgı retınde Memleket basşysynyŋ bastamasymen 2021 jyly «Täuelsızdık ūrpaqtary» granty engızıldı. Būl grantqa 123 jas qazaqstandyq ie boldy, jalpy qarjy kölemı 369 million teŋgenı qūrady.
Atalǧan bastama öŋırler tarapynan da qoldau tauyp, 2024 jyly 308 million teŋge somasyna 216 öŋırlık grant berıldı. Qarajat biznes, mädeniet, sport, aqparattyq tehnologiialar, volonterlık jäne ǧylym salasyndaǧy jobalardy jüzege asyruǧa baǧyttaldy.
2022 jyly sailau partiialyq tızımderınde jäne deputattyq mandattardy bölu barysynda äielderge, jastarǧa jäne mügedektıgı bar azamattarǧa arnalǧan 30 paiyzdyq kvota engızıldı.
2023 jyly Qazaqstanda jastar jasyna qatysty şektı mejeler resmi türde qaita qaralyp, 14-ten 35 jasqa deiıngı aralyq retınde belgılendı. Osy özgerıs jastarǧa memlekettık qoldaudyŋ jeŋıldıkterıne keŋırek qol jetkızuge mümkındık berdı.
Jastar saiasaty salasyndaǧy maŋyzdy oqiǧalardyŋ bırı – 2023–2029 jyldarǧa arnalǧan Qazaqstan Respublikasynyŋ memlekettık jastar saiasaty tūjyrymdamasynyŋ Memleket basşysy tarapynan bekıtıluı boldy. Būl qūjat – jastarmen jūmystyŋ strategiialyq basymdyqtary men jaŋa täsılderın aiqyndaǧan jüielı baǧdarlama.
Tūjyrymdamanyŋ basty qaǧidasy – «jastar üşın emes, jastarmen bırge». Iаǧni, jastar endı memlekettıŋ qamqorlyq nysany ǧana emes, şeşım qabyldau üderısıne tıkelei qatysatyn serıkteske ainaldy. Olar özektı mäselelerdı belgılep, basymdyqtardy aiqyndap, memlekettık saiasatty qalyptastyruǧa tıkelei atsalysady.
Būl täsıldıŋ tiımdılıgın Prezident janyndaǧy Jastar saiasaty jönındegı keŋes pen Prezidenttık jastar kadrlyq rezervı däleldep otyr. Atalǧan bastamalar jas basqaruşylardyŋ jaŋa buynyn qalyptastyruǧa mümkındık berdı. Qazırgı uaqytta rezervke alynǧan qatysuşylardyŋ 80 paiyzy memlekettık organdar men kvazimemlekettık sektor ūiymdarynda jemıstı eŋbek etude.
Bügınde öŋırler būl täjıribenı belsendı türde engızıp jatyr. Oblystarda jastar keŋesterı qūrylyp, keibır aimaqtarda jergılıktı jastar kadrlyq rezervterı jasaqtaldy.
Jūmyspen qamtuǧa järdemdesu jäne käsıpkerlık bastamalardy qoldau da jastar saiasatynyŋ basym baǧyttary. Soŋǧy üş jylda memlekettık qoldau şaralarynyŋ nätijesınde jas käsıpkerlerdıŋ sany 12,1%-ǧa artty.
