Jetısu oblysynda «Şoqan Uälihanov: tarih jäne tūlǧa» atty ǧylymi-täjıribelık konferensiia öttı. Etnograf ǧalym, aǧartuşy, tarihşy jäne geograf Şoqan Uälihanovtyŋ 190 jyldyǧyna arnalǧan şaraǧa Qyrǧyzstan, Özbekstan, Ūlybritaniia memleketterınıŋ jäne elımızdıŋ ǧalymdary qatysty.
Konferensiianyŋ aşyluynda köpşılıktı oblys äkımınıŋ atynan qūttyqtaǧan orynbasary Dias Esdäuletov Şoqan Uälihanov mūrasy türık halyqtarynyŋ tarihy men mädenietın tanuǧa septıgın tigızetının atap ötıp, ǧalym eŋbekterınıŋ jan-jaqty zertteluı keleşek ūrpaqtyŋ enşısınde ekenın alǧa tartty.
- Şoqan Uälihanov jalǧyz qazaqtyŋ ǧana emes, barlyq türık halyqtarynyŋ maqtanyşy. Onyŋ tūlǧasy – jalpyūlttyq sipatqa ie. Onyŋ ömırınıŋ soŋǧy künderın Jetısu jerınde ötkızıp, topyraq būiyruy bız üşın zor märtebe ärı ülken jauapkerşılık. Biyl ǧalym atyndaǧy «Altynemel» muzeiınıŋ aşylǧanyna 40 jyl tolyp otyr. 2023 jyly el Prezidentınıŋ tapsyrmasymen muzeige tolyq jöndeu jūmystary jürgızıldı, - degen D. Esdäuletov aimaqtyŋ tarihi-mädeni ömırınen oryn alǧan muzeidıŋ maŋyzdylyǧyna toqtaldy.
Konferensiia aiasynda Jarylqap Beisenbaiūlynyŋ qaita basylǧan «Şoqan» kıtabynyŋ tūsaukeserı ötıp, Parlament Senatynyŋ töraǧasy Mäulen Äşımbaevtyŋ, Aqmola oblysynyŋ äkımı Marat Ahmetjanovtyŋ qūttyqtau tılekterı oqyldy.
Odan soŋ Ş.Uälihanov atyndaǧy tarih jäne etnologiia institutynyŋ bas mamany, tarih ǧylymdarynyŋ doktory, professor Äuezhan Şaşaev, Qyrǧyz Respublikasynyŋ qairatkerı, tarih ǧylymdarynyŋ doktory, professor Şolpan Tūrdalieva, Özbekstandyq şoqantanuşy jazuşy Vladimir Fetisov, Abai atyndaǧy Qazaq ūlttyq pedagogikalyq universitetınıŋ Qazaqstan tarihy kafedrasynyŋ dosentı, tarih ǧylymdarynyŋ kandidaty Fakiia Şamşidenova, Ūlybritaniialyq saiahatşy, jurnalist Nik Filding kezekpen söz alyp, jasyn ǧūmyrly ǧalymnyŋ eŋbekterındegı erekşelıkterdı, aitylmaǧan syrlardy, ūlttar men ūlystarǧa qatysty mälımetterdı jan-jaqty taldap, tüsındırdı.
Konferensiia soŋy pıkırtalas pen ūsynystarǧa ūlasyp, Şoqan eŋbekterın zertteu men tanytudy jalǧastyrudyŋ maŋyzdylyǧyn äŋgımeledı.
Aita ketsek, konferensiia aldynda qatysuşylar Kerbūlaq audanynyŋ Şanhanai auyldyq okrugınde ornalasqan Ş. Uälihanov atyndaǧy «Altynemel» memorialdyq muzeiıne baryp, gül şoqtaryn qoidy. Sondai-aq «Taza Qazaqstan» baǧdarlamasy aiasynda keşen aumaǧyna jas köşetter otyrǧyzdy.
