“Auyl" partiiasy saiasi keŋesı töralqasynyŋ otyrysynda Jiguli Dairabaevty partiia töraǧasynyŋ orynbasary qyzmetınen bosatu turaly bırauyzdan şeşım qabyldandy, dep habarlaidy “Adyrna” ūlttyq portaly.
Sondai-aq partiia saiasi keŋesınıŋ töralqa otyrysynda Aqtöbe öŋırlık filialynyŋ partiia Jarǧysyn būzǧany talqylanyp, oblystyq filial basşysyna qataŋ sögıs jariialandy.
Jiguli Dairabaev – ūzaq jyldar boiy auyl şaruaşylyǧy salasynda qyzmet atqarǧan, Mäjılıs deputaty bolǧan täjıribelı saiasatker. Onyŋ eŋbek joly auyl şaruaşylyǧy men memlekettık qyzmettıŋ ärtürlı salalarynda ötken.
Partiia tarapynan onyŋ qyzmetten bosatylu sebebı tolyq aşyp körsetılmese de, būl şeşım bırauyzdan qabyldanǧany atap ötıldı.
Aita keteiık, 26 aqpan künı Mäjılıstıŋ otyrysynda Jiguli Dairabaev Soltüstık Qazaqstanǧa baryp, basqa memlekette jürgendei sezıngenın aitqan edı. Mädeniet jäne bılım beru mäselelerı boiynşa zaŋdarǧa özgerıster men tolyqtyrular engızu turaly zaŋ jobasyn talqylau barysynda deputat tıl mäselesın köterdı. “İdeologiiaǧa jauapty azamattarǧa sūraq: bızde soltüstık öŋırlerde eldımekenderdıŋ, köşelerdıŋ atauy qaşan memlekettık tılımızge auysady? Masqara ǧoi, ainalaiyndar, 34 jyldan berı täuelsız Qazaqstan memleketınde ömır sürıp jatyrmyz. Soltüstık aimaqqa senbıde baryp qaittym. Kırsem, basqa bır memlekette jürgen siiaqty sezınesıŋ. Bızdıŋ eşkımge ökpemız joq. Bıraq bız qazaq ūlty memleket qūrauşy ūltpyz. Nege bızde qazaqşa bolmaidy? Kım kedergı? Qai jaqqa sızder qarap otyrsyzdar? Jan auyrady körgende”, – dedı Jiguli Dairabaev.Mädeniet jäne aqparat vise-ministrı Aibek Sydyqov būdan būryn memleket basşysynyŋ tapsyrmasymen tabiǧi apattar men basqa da faktorlarǧa bailanysty ataudy özgertu prosesı toqtatylǧanyn aitqan bolatyn. Bıraq 2024–2025 jyldarǧa arnalǧan jol kartasynda būl mäsele basymdyqqa ie bolyp, eldı mekenderge jaŋa ataular beru josparlanuda.
Jiguli Dairabaev 2015 jyldan bastap – Qazaqstan fermerler odaǧynyŋ Jambyl oblystyq filialynyŋ töraǧasy, 2019 jyldan bastap – Qazaqstan fermerler qauymdastyǧynyŋ töraǧasy, 2021 jyly – jer reformasy jönındegı respublikalyq komissiia töraǧasynyŋ orynbasary qyzmetın atqardy.
2023 jyldan bastap – «Auyl» partiiasy atynan mäjılıstıŋ VIII şaqyrylymynyŋ deputaty, 2022 jyly – Qazaqstan prezidenttıgıne kandidat boldy.
Sondai-aq, ol «Atameken» Ūlttyq käsıpkerler palatasynyŋ agroönerkäsıp keşenı komitetın basqarǧan. Dairabaev auyl şaruaşylyǧy men jer reformasy salasyndaǧy qyzmetımen de tanymal.Eske salaiyq, 2023 jyldyŋ säuırınde Jiguli Dairabaevtyŋ ūldary - Marat Dairabaev pen Didar Moldaqalyq memlekettık subsidiialardy ūrlaumen bailanysty alaiaqtyq üşın sottalǧan bolatyn.
Taraz soty olardy «Albion» sortynyŋ qūlpynai köşetterın satyp aluǧa bölıngen qarajatty jymqyrdy dep aiypty. Memleketke keltırılgen jalpy şyǧyn 550 million teŋgeden astamdy qūrady. Ekeuı de mülkı tärkılenıp, şartty türde bes jylǧa bas bostandyǧynan aiyrylǧan edı.
Deputattyŋ ūldarymen bırge Jambyl oblystyq auyl şaruaşylyǧy basqarma bastyǧynyŋ būrynǧy orynbasary Erlan Qūlkeev pen käsıpker Eljan Elıbai da tergeuge alyndy. Qūlkeev ömır boiyna memlekettık qyzmette qyzmet atqaruǧa tyiym salynyp, alty jylǧa, al Elıbai mülkı tärkılenıp, bes jylǧa bas bostandyǧynan aiyryldy.
