Bügın «Nur Otan» partiiasy men Qazaqstan Respublikasynyŋ Käsıpodaqtar federasiiasy arasyndaǧy özara yntymaqtastyq turaly memorandumǧa qol qoiyldy. Atalǧan qūjatqa qol qoiudaǧy basty maqsat – elımızdı äleumettık-ekonomikalyq jaŋǧyrtuǧa, qyzmetkerlerdıŋ äleumettık-ekonomikalyq jäne eŋbek qūqyqtary men müddelerın qorǧau jüiesın damytuǧa baǧyttalǧan bırlesken ıs-qimyldardy jüzege asyru. Taraptar osy baǧyttaǧy jüielı özara ıs-qimyl men syndarly yntymaqtastyqty qamtamasyz etu üşın ekıjaqty kelısımge keldı.
Jiynda «Nur Otan» partiiasy Töraǧasynyŋ Bırınşı orynbasary Bauyrjan Baibek ekı ūiymnyŋ äleumet qamyn jep, jūrtşylyq müddesın közdeude maqsattarynyŋ toǧysatyn tūstary köp ekenın alǧa tartty.
«Memleket basşysy Qasym-Jomart Toqaev byltyr tūŋǧyş ret käsıbi mereke retınde engızılgen Käsıpodaqtar künınde «Qazırgı käsıpodaqtardyŋ qozǧalystary eŋbekkerlerdıŋ jūmys ornyndaǧy qūqyqtary men eŋbek qauıpsızdıgınıŋ saqtaluyn, laiyqty eŋbekaqy men äleumettık kepıldıkter aluyn qamtamasyz etedı», - dep atap ötken bolatyn. Osy rette, «Nur Otan» partiiasy ärqaşan qazaqstandyqtardyŋ eŋbek qūqyqtaryn qorǧauǧa erekşe köŋıl bölude. 2019 jyldyŋ qorytyndysy boiynşa partiiaǧa 217 myŋnan asa aryz-şaǧym tüsken, onyŋ 3 myŋnan astamy eŋbek zaŋnamasy, jalaqynyŋ uaqtyly tölenbeuı, zaŋsyz jūmystan şyǧaru mäselelerıne qatysty. Iаǧni, qyzmetkerlerdıŋ eŋbek qūqyqtary boiynşa mäseleler bızdıŋ el üşın öte özektı.
Elbasy - «Nur Otan» partiiasynyŋ Töraǧasy Nūrsūltan Nazarbaev «partiia qarapaiym adamdardyŋ mūǧalımderdıŋ, därıgerlerdıŋ, önerkäsıptık käsıporyn eŋbekkerlerınıŋ müddelerın qorǧauy qajet» dep atap ötken bolatyn. Osy baǧytta zaŋnyŋ üstemdıgın, jūmysşylardyŋ qūqyqtary men bostandyqtaryn qamtamasyz etu boiynşa jūmystardy jalǧastyru üşın «Nur Otan» partiiasy elımızdıŋ eŋ ırı käsıpodaqtar ūiymy - Käsıpodaqtar federasiiasymen özara yntymaqtastyqty odan ärı damytuǧa kelıstı» - dedı partiia Töraǧasynyŋ Bırınşı orynbasary.
Bügınde elımızde jūmys ısteitın adamdar sany 9 millionnan assa, olardyŋ 2 milliony Qazaqstan Käsıpodaqtary Federasiiasynyŋ qatarynda. Al 600 myŋnan astamy «Nur Otan» partiiasynyŋ müşelerı. Sondyqtan jūmys ısteitın azamattardyŋ özektı mäselelerın şeşu, olardyŋ qūqyqtary men müddelerın qorǧau – partiia men käsıpodaqtar qyzmetındegı basym baǧyttardyŋ bırı.
Öz kezegınde Qazaqstan Käsıpodaqtar federasiiasynyŋ töraǧasy Eraly Toǧjanov ekıjaqty memorandumǧa qol qoiuǧa kelısım bergen partiia basşylyǧyna alǧysyn bıldırdı.
«Nur Otan» – naqty ısterdıŋ partiiasy. Halyqtyŋ janaşyry, äleumettıŋ jarşysy bolyp otyrǧan eŋ ırı, bedeldı partiiamen osyndai qūjatqa qol qoiuǧa kelıp otyrmyz. Özderıŋız bılesızder, 2012 jyldyŋ özınde Elbasy Nūrsūltan Nazarbaev eŋbek adamyna bailanysty ülken mäselelerdı kötergen bolatyn. Sol sūraqtardyŋ barlyǧy bügın de kün tärtıbınde tūr. Sondyqtan eŋbek adamynyŋ märtebesın, bedelın köteruge tiıstımız. Partiiamen köptegen sūraqtarymyz ortaq. Pedagog märtebesıne bailanysty köptegen sūraq talqylandy. Bız engızgen ūsynystardyŋ naqty 14-ı qabyldandy. Sol sūraqtardyŋ ışınde qanşama şeşımın tapqan mäseleler osy jerde «Nur Otan» partiiasy aiasynda ötken otyrystan keiın jandandy dep aitsam artyq emes» - dedı Eraly Toǧjanov.
Aita keteiık, «Nur Otan» partiiasy Töraǧasynyŋ Bırınşı orynbasary Bauyrjan Baibek juyrda Atyrau oblysyna jasaǧan jūmys sapary barysynda, Maqat audanynyŋ Dossor kentınde «Dossormūnaigaz» käsıporyn qyzmetkerlerımen kezdesken edı. Onda mūnai salasy jūmysşylarynyŋ jalaqy mäselesı men jergılıktı tūrǧyndardy jūmyspen qamtu jaiy da söz boldy. Sondai-aq, jergılıktı därıgerlermen jüzdesu kezınde olardyŋ märtebesı men qūqyqtyq tūrǧydan qorǧalu mäselelerı qozǧaldy. Qazırgı taŋda partiia basqa da salalardaǧy qyzmetkerlerdıŋ qūqyqtaryn qorǧauǧa müddelı.
Osy oraida, jūmyspen qamtu baǧyty boiynşa partiialyq kurator alaŋynda osy saladaǧy köptegen mäselelerdı köterıp, olardy şeşuge yqpal etu közdelude. Sonymen qatar, partiia jūmysşylardyŋ eŋbek qūqyqtary men müddelerın közdeu, ışkı eŋbek naryǧyn qorǧau boiynşa partiialyq jäne qoǧamdyq baqylaudy jüzege asyruǧa bel buyp otyr.
Kelesı bır baǧyt – partiianyŋ qoǧamdyq qabyldaulary men käsıpodaqtardyŋ «Tatulasu ortalyqtary» arqyly jūmyskerlerdıŋ naqty mäselelerın şeşu. Aldaǧy jūmystarǧa «Jas Otan» jastar qanatynyŋ jäne «Keleşek» käsıpodaq jastar keŋesınıŋ belsendılerı de tartylatyn bolady.
Atalǧan jūmysqa «Nur Otan» partiiasynyŋ Mäjılıstegı jäne barlyq deŋgeidegı mäslihattardaǧy fraksiialary jūmyldyrylmaq. Qazırgı kezde käsıpodaq ūiymdarynyŋ oblystyq deŋgeidegı 10 ökılı, audandyq jäne qalalyq deŋgeidegı 16 ökılı «Nur Otan» partiiasy atynan mäslihat deputattary bolyp tabylady. Aldaǧy sailauda öŋırlerdegı mäslihattardaǧy käsıpodaqtardyŋ ökıldıgı ūlǧaitylatyn bolady.
Klara Naqyp
Ūqsas jaŋalyqtar
