2022 jyly 60 Blokty-modýldi qazandyq salynady

2296

Almaty oblysyndaǵy ekologııalyq máselelerdi keshendi sheshýdiń jol kartasy bekitilgen. Qujat 5 baǵyttan 8 tarmaqtan turady. Óńirdegi ekologııalyq ahýaldy jaqsartý maqsatynda Qazaqstan Respýblıkasynyń ekologııa, geologııa jáne tabıǵı resýrstar mınıstri Maǵzum Myrzaǵalıev jáne Almaty oblysynyń ákimi Amandyq Batalov pen  múddeli memlekettik mekemeler atalǵan kartany bekitken edi.

El ishinde kúrmeýi sheshilmegen sharýalardyń biri - jylý qazandyqtary. Shyndyqqa týra qarasaq, áli kúnge deıin shalǵaı aýdandarda kóp qabatty úılerde  qatty otynmen kúneltip otyrǵandar bar. Bul búgingi tańdaǵy basty másele bolyp otyr.

2020 jyly  1,88 mlrd.teńgege oblys ortalyǵyndaǵy qos qazandyq tabıǵı gazǵa aýystyryldy.  Al aǵymdaǵy jyly taǵy da eki qazandyqty jańartpaq.  Mamandardyń aıtýynsha, jobalardy iske asyrý halyqtyń ómir súrý sapasyn jáne eldi mekenderdiń ekologııalyq jaǵdaıyn edáýir jaqsartady eken.

Bekitilgen qujat aıasynda Almaty qalasyna jaqyn ornalasqan aýdandardaǵy turǵyn úı alaptaryn, áleýmettik, óndiristik jáne ózge de nysandardy tabıǵı gazǵa kezeń-kezeńimen kóshirý jumystary jolǵa qoıylǵan.  Qazirgi tańda 129 kóppáterli turǵyn úıge arnalǵan 21 Blokty-modýldi qazandyq (BMK) paıdalanýǵa berilgen. Nátıjesinde 3857 abonent ortalyq jylýǵa qosylǵan. Aǵymdaǵy jyly taǵy 14 BMK qurylysy aıaqtalýǵa taıaǵan. Sáıkesinshe 23 kóppáterli turǵyn úı ortalyq jylýǵa qosylyp, 1041 abonent qyzyǵyn kórmek.

«2021 jyly 100 kóp páterli turǵyn úılerge 31 Blokty - modýldi qazandyq salý josparlanýda. Atalmysh qazandyqtar Qarasaı, Eńbekshiqazaq, Uıǵyr, Panfılov aýdandarynda salynady dep kútilýde. 2022 jyldyń sońyna deıin óńirde 691 kópqabatty turǵyn úı úshin 60 BMK ornatylady dep kózdelgen»,- deıdi  Almaty oblysy Energetıka jáne turǵyn úı kommýnaldyq sharýashylyq basqarmasynyń «turǵyn úı kommýnaldyq sharýashylyq bóliminiń» bas mamany Danııar Medelbekuly.

Resmı derekterge súıensek, ortalyq qazandyqtardy qatty otynnan tabıǵı gazǵa aýystyrý nátıjesinde qorshaǵan ortaǵa zııandy zattardyń shyǵarylýy 2557 tonnaǵa tómendegen. Mazýtqa qajettilik 19,2 myń tonnaǵa, qatty otynǵa qajettilik 40,4 myń tonnaǵa  azaıǵan.

Aıta keteıik, ekologııalyq problemalardy keshendi sheshý jónindegi Jol kartasyndaǵy tarmaqqa birqatar máseleler kiriktirilgen:

  • jylý elektr ortalyǵyn jańǵyrtý;
  • atmosferalyq aýanyń jaı-kúıi týraly aqparatqa halyqtyń onlaın – qoljetimdiligi úshin Taldyqorǵan qalasynyń LED-ekrandarynda "AirKZ" mobıldi qosymshasynan derekterdi retranslıaııalaý;
  • jylyna 50000 birlikten kem emes jasyl jelekterdi otyrǵyzý;
  • Eskeldi aýdanynyń jáne Qapshaǵaı qalasynyń káriz júıelerin, káriz jelileri men tazartý qurylystaryn qaıta jańartý jáne salý;
  • oblystyń sý obektilerinde sý qorǵaý aımaqtary men beldeýlerin belgileý.

 

 

 

Pikirler
Redakııa tańdaýy