Almaty oblysyndaǧy ekologiialyq mäselelerdı keşendı şeşudıŋ jol kartasy bekıtılgen. Qūjat 5 baǧyttan 8 tarmaqtan tūrady. Öŋırdegı ekologiialyq ahualdy jaqsartu maqsatynda Qazaqstan Respublikasynyŋ ekologiia, geologiia jäne tabiǧi resurstar ministrı Maǧzūm Myrzaǧaliev jäne Almaty oblysynyŋ äkımı Amandyq Batalov pen müddelı memlekettık mekemeler atalǧan kartany bekıtken edı.
El ışınde kürmeuı şeşılmegen şarualardyŋ bırı - jylu qazandyqtary. Şyndyqqa tura qarasaq, älı künge deiın şalǧai audandarda köp qabatty üilerde qatty otynmen küneltıp otyrǧandar bar. Būl bügıngı taŋdaǧy basty mäsele bolyp otyr.
2020 jyly 1,88 mlrd.teŋgege oblys ortalyǧyndaǧy qos qazandyq tabiǧi gazǧa auystyryldy. Al aǧymdaǧy jyly taǧy da ekı qazandyqty jaŋartpaq. Mamandardyŋ aituynşa, jobalardy ıske asyru halyqtyŋ ömır süru sapasyn jäne eldı mekenderdıŋ ekologiialyq jaǧdaiyn edäuır jaqsartady eken.
Bekıtılgen qūjat aiasynda Almaty qalasyna jaqyn ornalasqan audandardaǧy tūrǧyn üi alaptaryn, äleumettık, öndırıstık jäne özge de nysandardy tabiǧi gazǧa kezeŋ-kezeŋımen köşıru jūmystary jolǧa qoiylǧan. Qazırgı taŋda 129 köppäterlı tūrǧyn üige arnalǧan 21 Blokty-moduldı qazandyq (BMK) paidalanuǧa berılgen. Nätijesınde 3857 abonent ortalyq jyluǧa qosylǧan. Aǧymdaǧy jyly taǧy 14 BMK qūrylysy aiaqtaluǧa taiaǧan. Säikesınşe 23 köppäterlı tūrǧyn üi ortalyq jyluǧa qosylyp, 1041 abonent qyzyǧyn körmek.
«2021 jyly 100 köp päterlı tūrǧyn üilerge 31 Blokty - moduldı qazandyq salu josparlanuda. Atalmyş qazandyqtar Qarasai, Eŋbekşıqazaq, Ūiǧyr, Panfilov audandarynda salynady dep kütılude. 2022 jyldyŋ soŋyna deiın öŋırde 691 köpqabatty tūrǧyn üi üşın 60 BMK ornatylady dep közdelgen»,- deidı Almaty oblysy Energetika jäne tūrǧyn üi kommunaldyq şaruaşylyq basqarmasynyŋ «tūrǧyn üi kommunaldyq şaruaşylyq bölımınıŋ» bas mamany Daniiar Medelbekūly.
Resmi derekterge süiensek, ortalyq qazandyqtardy qatty otynnan tabiǧi gazǧa auystyru nätijesınde qorşaǧan ortaǧa ziiandy zattardyŋ şyǧaryluy 2557 tonnaǧa tömendegen. Mazutqa qajettılık 19,2 myŋ tonnaǧa, qatty otynǧa qajettılık 40,4 myŋ tonnaǧa azaiǧan.
Aita keteiık, ekologiialyq problemalardy keşendı şeşu jönındegı Jol kartasyndaǧy tarmaqqa bırqatar mäseleler kırıktırılgen:
- jylu elektr ortalyǧyn jaŋǧyrtu;
- atmosferalyq auanyŋ jai-küiı turaly aqparatqa halyqtyŋ onlain – qoljetımdılıgı üşın Taldyqorǧan qalasynyŋ LED-ekrandarynda "AirKZ" mobildı qosymşasynan derekterdı retransliasiialau;
- jylyna 50000 bırlıkten kem emes jasyl jelekterdı otyrǧyzu;
- Eskeldı audanynyŋ jäne Qapşaǧai qalasynyŋ kärız jüielerın, kärız jelılerı men tazartu qūrylystaryn qaita jaŋartu jäne salu;
- oblystyŋ su obektılerınde su qorǧau aimaqtary men beldeulerın belgıleu.
Ūqsas jaŋalyqtar
