Óskemenniń ekologııalyq máselesin sheshý úshin arnaıy baǵdarlama ázirlendi

3513
Adyrna.kz Telegram

Shyǵys Qazaqstan oblysynyń ákiminiń aıtýynsha, ekologııalyq máseleni sheshý úshin arnaıy baǵdarlama ázirlengen, dep habarlaıdy QazAqparat tilshisi.

«Bizdiń problemalarymyzdyń birqatary – eski tehnologııalarǵa baılanysty. Eshkimdi qorǵap otyrǵan joqpyn. Shynymdy aıtaıyn: rasynda da, bizdiń zaýyttardaǵy tehnologııalyq proesster úzdik bolǵan joq. Sol sebepti, olardyń saldaryn kórip otyrmyz. Ekinshiden, ol tehnologııalardy ózgertýge bola ma? Ábden bolady. Ol máselemen aınalysyp jatyrmyz. Qasym-Jomart Kemelulynyń (Toqaev - avt) tapsyrmasymen arnaıy baǵdarlama ázirlendi. Ol qazirgi ýaqytta Ekologııa, geologııa jáne tabıǵı resýrstar mınıstrliginiń qaraýynda jatyr», - dedi Danıal Ahmetov OKQ-da ótken baspasóz máslıhatynda.

Aımaq basshysynyń aıtýyna qaraǵanda, sońǵy 5 jylda ekologııalyq proesterdi damytýǵa 27 mlrd teńge aýdarylǵan.

«Onyń 12 mlrd teńgesin Qazmyrysh, 4,1 mlrd teńgesin Kómir-elektr stansalary berip otyr. Nege qol jetkizdik? Sońǵy 5 jylda aýaǵa shyǵarylatyn qaldyq kórsetkishin azaıttyq. Men joǵaryda ataǵan baǵdarlama teńdessiz sanalady. Ázirge alǵa shyǵyp, ol týraly keńirek aıtpaı tura turaıyn. Mınıstrliktiń saraptamasy kelgennen keıin tolyqqandy jaýabyn beremin», - dedi ol.

«Adyrna» portaly

Pikirler