JER ŞETELDIKTERGE SATYLMAIDY, JALǦA DA BERILMEIDI!
Bügın, 2021 jyly 7 säuırde QR Parlamentı Mäjılısnıŋ jalpy otyrysynda Jer qatynystary boiynşa zaŋ jobasy bırınşı oqylymda bırauyzdan qabyldandy.
«Aq jol» partiiasy QR Prezidentı Q.Toqaevtyŋ jer mäselesıne qatysty el kütken basty ūstanymyn tolyq qoldap dauys berdı. Zaŋ jobasyn talqylau barysynda "Aq jol” partiiasy fraksiiasy ūstanymyn deputat Berık Düisenbinov bıldırdı.
"Qazaq üşın jer dauy – ejelden eŋ maŋyzdy mäsele ekenı belgılı. Täuelsızdıkten bergı halyqtyŋ eŋ qatty tolquy da osy jer mäselesı töŋıregınde bolyp, dau moratorii jariialaumen basylǧan bolatyn.
Memleket basşysy Q. K. Toqaev özı bastamaşy bolyp, Parlament Mäjılısıne engızgen «Qazaqstan Respublikasynyŋ keibır zaŋnamalyq aktılerıne jer qatynastary mäselelerı boiynşa özgerıster men tolyqtyrualar engızu turaly» Zaŋ jobasyn qabyldau ǧasyrdan asa uaqyt ışınde dauǧa ainalyp kelgen tüitkıldı mäselenıŋ şeşımı bolyp tabylady.
Tarihymyzdan belgılı, HH ǧasyrdyŋ basynda Alaş arystary bastap, 12 myŋnan astam qazaq azamaty qol qoiǧan «Qarqaraly petisiiasynda» kötergen 10 mäselenıŋ eŋ maŋyzdysy – Jer mäselesı edı."-dedı aqjoldyq deputat.
İä, «Eldıktıŋ kepılı – Jer. Ol – täuelsız memlekettıŋ jäne sol ūlttyŋ Basqūjaty. Ary. Namysy. Bary. Bailyǧy. Bölınbeitın enşısı» degen ūran kötergen Alaş kösemı Älihan Bökeihan osy El üşın eŋ basty mäselenıŋ basy-qasynda bolǧan edı.
2016 jyly jer dauy köterılgen kezde «Aq jol» partiiasy da özınıŋ naqty resmi ūstanymyn bıldırıp, jerdı şeteldıkterge satpau ǧana emes, ony şetel azamattary men kompaniialaryna jalǧa da bermeu turaly ūsynys jasaǧan bolatyn. Būl ūstanymdy partiiamyzdyŋ Saiasi Baǧdarlamasyna da engızdık.
Ökınışke orai, bızdıŋ būl resmi ūsynysymyz belgısız sebeptermen Ükımet komissiiasynyŋ qorytyndy hattamasyna enbei qaldy. Tıptı köbı bızdıŋ pıkırımızdı tüsınbei, osy sailau aldynda ötken teledebattarda basqa partiianyŋ ökılderı sūraq qoiǧan kezde partiia töraǧasy Azat Peruaşev naqtylap tüsındıruge mäjbür boldy.
Al biylǧy jyldyŋ 20 qaŋtarynda «Aq jol» partiiasy Ükımetke Jer kodeksıne tiıstı özgerıster men tolyqtyrulardy engızıp, eldı alaŋdatqan jer dauynyŋ şeşıluıne nükte qoiylu kerektıgı turaly deputattyq saual joldaǧan bolatyn.
Sonymen Jer turaly Zaŋ jobasynda halyqty tolǧandyryp otyrǧan Basty sūraqqa naqty jauap berıldı!
Auyl şaruaşylyǧy jerlerın şeteldıkterge, azamattyǧy joq adamdarǧa, sondai-aq şeteldık qatysuy bar zaŋdy tūlǧalarǧa jeke menşıkke jäne jalǧa beruge de tyiym salynady.
«Aq jol» partiiasy Jer mäselesınde eldıŋ sözın jerge tastamaǧan memleket basşysy
Q.Toqaevtyŋ basty ūstanymyn tolyq qoldap, dauys berdı.
"Bügın Qazaqstan qoǧamyndaǧy halyq kütken maŋyzy zor, erekşe qūjat qabyldandy! Endı jer şeteldıkterge satylmaidy, jalǧa da berılmeidı!"-dep, talqylaudy qorytty QR Parlamentı Mäjılısı töraǧasy Nūrlan Nyǧmatullin.
Moratorii qabyldanǧanǧa deiın bırıkken käsıporyndarǧa jalǧa berılıp ketken 74,4 myŋ gektar, şeteldık azamattarǧa jalǧa berılgen 18,5 myŋ gektar auyl şaruaşylyǧy jerlerınıŋ merzımı 2022-2025 jyldary aiaqtalady da, jer memleketke qaitarylady.
Baiandama jasaǧan Auyl şarupşylyǧy ministrı Saparhan Omarov osylai dedı.
Endı osy bügın qabyldanǧan Jerdıŋ şeteldıkterge satylmauy men jalǧa da berılmeuı turaly zaŋ jobasynyŋ negızgı baptaryn Jer turaly komissiia basşylyqqa alyp, barlyq jer turaly mäselelerdı tügel şeşuı tiıs.
İä, bügın, säulelı säuır aiynyŋ qasiettı 7-sı künı qabyldanǧan zaŋ jobasy bükıl eldıŋ kütıp otyrǧan eŋ basty qūjattarynyŋ bırı edı. Öitkenı, Jer bolmasa, El de bolmaidy!
Sondyqtan zaŋ jobasyn quana qoldap, erekşe tolqynyspen dauys berdık.
Dauys bere otyryp, özımnıŋ osy bükıl el kütken Täuelsızdıktıŋ berık tıregı bolar tarihi şeşımdı qabyldauǧa qatysyp otyrǧanyma Allaǧa sansyz şükırlık ettım.
Al osy halyqtyŋ narazylyǧyna ūşyrap, eldı alaŋǧa şyǧarǧan jer satu turaly dauly baptar qabyldanǧan parlament qūramynda bolmaǧanyma quandym.
Jer mäselesınde şegınerge Jer joq! Öitkenı, Jer - Täuelsızdık kepılı!
Qazybek İSA,
QR Parlamentı Mäjılısı deputaty
Ūqsas jaŋalyqtar
