20 jeltoqsanda “Ortalyq Aziia – Japoniia” dialogynyŋ alǧaşqy sammitı öttı, dep habarlaidy "Adyrna" ūlttyq portaly.
Japoniiada ötken kezdesuge eldıŋ premer-ministrı Sanae Takaichi, Qazaqstan Prezidentı Qasym-Jomart Toqaev, Qyrǧyzstan prezidentı Sadyr Japarov, Täjıkstan basşysy Emomali Rahmon, Türıkmenstan prezidentı Serdar Berdımūhamedov jäne Özbekstan prezidentı Şavkat Mirziioev qatysty.
Jiyn barysynda Qazaqstan prezidentı Qasym-Jomart Toqaev Japoniiamen bılım beru salasyndaǧy yntymaqtastyqty keŋeitu maqsatynda japon universitetterınıŋ Qazaqstanda bölımşelerın aşudy ūsyndy. Sondai-aq memleket basşysynyŋ Japoniiaǧa resmi sapary aiasynda jalpy qūny 3,7 milliard dollardan asatyn 60 qūjatqa qol qoiyldy.
Sammit qorytyndysy boiynşa Tokio deklarasiiasy qabyldanyp, “Ortalyq Aziia – Japoniia” formatyndaǧy töraǧalyq Qazaqstanǧa öttı. Taraptar kelesı sammittı Qazaqstan aumaǧynda ötkızu jönınde ortaq kelısımge keldı.
