Özbekstan azamaty Vadim Hamraev Jetısu oblysynyŋ poliseilerınıŋ ūryp-soǧyp, ony qūldyqqa satqanyn aityp, prezident Qasym-Jomart Toqaevqa beinejazba joldap, kömek sūrady, dep habarlaidy “Adyrna” ūlttyq portaly.
Äleumettık jelılerde şeteldık azamattyŋ Qaratal audanynyŋ uchaskelık poilseilerı ony ūryp-soǧyp, aqşa bopsalap, sodan keiın ony fermaǧa qūldyqqa alty qoi men 200 myŋ teŋgege satqanyn aitqany turaly beinejazba tarady.
"Äielım men qaiyn atama menı jer audaryp kettı dep aitqan, bıraq men fazendada boldym. Keşe qaşyp kettım. Ekı balam bar. Men şarşadym, ol jerde men bärın ısteimın, peş jaǧamyn, kökönıs baqtaryn qazamyn. Olar menı kün saiyn qorlap, bopsalaidy, öltıremın dep qorqytady. Maǧan osy qiyn jaǧdaidan şyǧuǧa kömektesıŋızşı. Sızden ötınıp sūraimyn, qūrmettı prezident", – dedı er adam.
Dälel retınde ol denesındegı tyrtyqtaryn körsettı. Jetısu oblysynyŋ PD baspasöz qyzmetınde beinejazbada aqparatqa tüsınıkteme berıldı.
"Atalǧan faktı boiynşa QR QK 362-babynyŋ 4-bölımınde "Bilıktı nemese lauazymdyq ökılettıkterdı asyra paidalanu" dep közdelgen qylmystyq ıs qozǧalǧanyn habarlaimyz. Sotqa deiıngı tergeu qauıpsızdık basqarmasynyŋ baqylauynda. 38 jastaǧy şetel azamaty anyqtalyp, odan jauap alyndy. Is boiynşa tergeudı oblystyq polisiia departamentınıŋ basşylyǧy erekşe baqylauǧa aldy", – delıngen vedomstvonyŋ habarlamasynda.
