BUU Bas hatshysy Toqaevtyń bastamasyn qoldady

1553
Adyrna.kz Telegram
Foto: Aqorda
Foto: Aqorda

Qasym-Jomart Toqaev Nıý-Iorkke jumys saparynyń sońynda BUU Bas hatshysy Antonıý Gýterrıshpen kelissóz júrgizdi. Bul týraly Aqordanyń baspasóz qyzmeti málimdedi, dep habarlaıdy “Adyrna” ulttyq portaly.

Konstrýktıvti jáne dostyq jaǵdaıynda ótken kezdesýde Qazaqstan men BUU arasyndaǵy yntymaqtastyqty nyǵaıtýdyń jaı-kúıi men perspektıvalary talqylandy.

Sondaı-aq qazirgi zamannyń ózekti syn-qaterlerin sheshýdiń ujymdyq ádisterin ázirleýge baǵyttalǵan kúsh-jigerge erekshe nazar aýdaryldy.

Qasym-Jomart Toqaev Antonıý Gýterrıshtiń BUU Bas hatshysy laýazymyndaǵy qyzmetin joǵary baǵalap, onyń 2023 jyly «Bolashaq sammıtin» shaqyrý týraly bastamasyn tolyq qoldaıtynyn jetkizdi. Prezıdent osy mańyzdy jıynnyń qorytyndysy Ornyqty damý maqsattaryn júzege asyrýǵa yqpal etetinine senim bildirdi.

«Taraptar Memleket basshysynyń Almaty qalasynda Ortalyq Azııa men Aýǵanstan úshin Ornyqty damý maqsattary jónindegi BUU habyn qurý bastamasynyń júzege asyrylý barysyn qarastyrdy. BUU Bas hatshysy bul mańyzdy bastamany qoldaıtynyn aıtty», - delingen habarlamada.

Qasym-Jomart Toqaev Antonıý Gýterrıshti Qazaqstanǵa saparmen kelýge shaqyrdy.

”Adyrna” ulttyq portaly

Pikirler