Qasym-Jomart Toqaev Niu-Iorkke jūmys saparynyŋ soŋynda BŪŪ Bas hatşysy Antoniu Guterrişpen kelıssöz jürgızdı. Būl turaly Aqordanyŋ baspasöz qyzmetı mälımdedı, dep habarlaidy “Adyrna” ūlttyq portaly.
Konstruktivtı jäne dostyq jaǧdaiynda ötken kezdesude Qazaqstan men BŪŪ arasyndaǧy yntymaqtastyqty nyǧaitudyŋ jai-küiı men perspektivalary talqylandy.
Sondai-aq qazırgı zamannyŋ özektı syn-qaterlerın şeşudıŋ ūjymdyq ädısterın äzırleuge baǧyttalǧan küş-jıgerge erekşe nazar audaryldy.
Qasym-Jomart Toqaev Antoniu Guterriştıŋ BŪŪ Bas hatşysy lauazymyndaǧy qyzmetın joǧary baǧalap, onyŋ 2023 jyly «Bolaşaq sammitın» şaqyru turaly bastamasyn tolyq qoldaitynyn jetkızdı. Prezident osy maŋyzdy jiynnyŋ qorytyndysy Ornyqty damu maqsattaryn jüzege asyruǧa yqpal etetınıne senım bıldırdı.
«Taraptar Memleket basşysynyŋ Almaty qalasynda Ortalyq Aziia men Auǧanstan üşın Ornyqty damu maqsattary jönındegı BŪŪ habyn qūru bastamasynyŋ jüzege asyrylu barysyn qarastyrdy. BŪŪ Bas hatşysy būl maŋyzdy bastamany qoldaitynyn aitty», - delıngen habarlamada.Qasym-Jomart Toqaev Antoniu Guterriştı Qazaqstanǧa saparmen keluge şaqyrdy.
”Adyrna” ūlttyq portaly
Ūqsas jaŋalyqtar
