Áıelderimizdiń orystanǵany - elimizge júz ese qaýipti!

3193
ÁIELDERIMIZDIŃ ORYSTANǴANY - ELIMIZGE JÚZ ESE QAÝIPTI!
Qazaqtyń erkekterine qaraǵanda, áıelderi men qyz-kelinshekteriniń orystanǵany - ultqa 100 ese qaýipti. Anasy qaı tilde sóılese, bala da sol tildi tez ıgerip shyǵady. Sonsoń, orystanǵan áıelderimiz erkekterimizge qaraǵanda áldeqaıda kókbet; "Tiliń de, basqań da - ózińe! Óz ómirim, ózim bilem!-men bet baqtyrmaı betińnen alady. Talaı kórdim.
Balanyń eshqandaı da kinási joq, anasy qaı tilde sóılese, ol da sol tilde sóılep shyǵady. "Tilim osy eken"- dep oılaıdy. Dili de solaı qalyptasady. Qazirgi orystildi balalarymyz ben búldirshinderimiz erteń eseıgende de,"Tilim - qazaq tili"- dep múldem moıyndamaıdy, kerek qylmaıdy. Sebebi, olar orys tilimen oınady, orys tilimen ósti, orys tilimen nan jedi. Bitti!
Til - memlekettiń ulttyq qaýipsizdiginiń eń basty kepili. Tiliń qurdymǵa kete berse, bala-shaǵań, qatyn-qalashyń, solarǵa til jaǵynan bas-kóz bolmaǵan ez erkekterimiz kóbeıse, memlekettiń ulttyq qaýipsizdigi de túbinde nólge aınalady. Sóıtip, ózge elge jutylamyz da kete baramyz.
Qazirgi jaǵdaı - Til, Til jáne Til!
Nemquraıly qarasaq, óz obalymyz ózimizge.
Tildiń taǵdyry, ult úshin, Jerdiń taǵdyrymen birdeı. Ultqa Jer qandaı kerek bolsa, Til de sondaı kerek. Bul eki ANA - eki qanatymyz. Biri qaıyrylsa, ekinshisi seni eshqashanda Kókke kótere almaıdy. Reseıdiń de tilimizdi mensinbeı, ústem saıasat júrgizip otyrǵany sodan.
Qyrymdy annekııalap ózine qosyp alarda, sol Qyrymnyń 90 paıyzdan astam halqy orys tilin qoldap, Pýtınniń yǵyna jyǵyla ketkenin umytpaıyqshy! Sol jyǵylǵan halyqtyń 70 paıyzynan astamy orystildi ýkraındar bolǵan.
Bekbolat QARJAN,
"Adyrna" ulttyq portaly 
Pikirler
Uqsas jańalyqtar