ÄIELDERIMIZDIŊ ORYSTANǦANY - ELIMIZGE JÜZ ESE QAUIPTI!
Qazaqtyŋ erkekterıne qaraǧanda, äielderı men qyz-kelınşekterınıŋ orystanǧany - ūltqa 100 ese qauıptı. Anasy qai tılde söilese, bala da sol tıldı tez igerıp şyǧady. Sonsoŋ, orystanǧan äielderımız erkekterımızge qaraǧanda äldeqaida kökbet; "Tılıŋ de, basqaŋ da - özıŋe! Öz ömırım, özım bılem!-men bet baqtyrmai betıŋnen alady. Talai kördım.
Balanyŋ eşqandai da kınäsı joq, anasy qai tılde söilese, ol da sol tılde söilep şyǧady. "Tılım osy eken"- dep oilaidy. Dılı de solai qalyptasady. Qazırgı orystıldı balalarymyz ben büldırşınderımız erteŋ eseigende de,"Tılım - qazaq tılı"- dep müldem moiyndamaidy, kerek qylmaidy. Sebebı, olar orys tılımen oinady, orys tılımen östı, orys tılımen nan jedı. Bıttı!
Tıl - memlekettıŋ ūlttyq qauıpsızdıgınıŋ eŋ basty kepılı. Tılıŋ qūrdymǧa kete berse, bala-şaǧaŋ, qatyn-qalaşyŋ, solarǧa tıl jaǧynan bas-köz bolmaǧan ez erkekterımız köbeise, memlekettıŋ ūlttyq qauıpsızdıgı de tübınde nölge ainalady. Söitıp, özge elge jūtylamyz da kete baramyz.
Qazırgı jaǧdai - Tıl, Tıl jäne Tıl!
Nemqūraily qarasaq, öz obalymyz özımızge.
Tıldıŋ taǧdyry, ūlt üşın, Jerdıŋ taǧdyrymen bırdei. Ūltqa Jer qandai kerek bolsa, Tıl de sondai kerek. Būl ekı ANA - ekı qanatymyz. Bırı qaiyrylsa, ekınşısı senı eşqaşanda Kökke kötere almaidy. Reseidıŋ de tılımızdı mensınbei, üstem saiasat jürgızıp otyrǧany sodan.
Qyrymdy anneksiialap özıne qosyp alarda, sol Qyrymnyŋ 90 paiyzdan astam halqy orys tılın qoldap, Putinnıŋ yǧyna jyǧyla ketkenın ūmytpaiyqşy! Sol jyǧylǧan halyqtyŋ 70 paiyzynan astamy orystıldı ukraindar bolǧan.
Bekbolat QARJAN,
"Adyrna" ūlttyq portaly
Ūqsas jaŋalyqtar
