ايەلدەرىمىزدىڭ ورىستانعانى - ەلىمىزگە ءجۇز ەسە قاۋىپتى!
قازاقتىڭ ەركەكتەرىنە قاراعاندا، ايەلدەرى مەن قىز-كەلىنشەكتەرىنىڭ ورىستانعانى - ۇلتقا 100 ەسە قاۋىپتى. اناسى قاي تىلدە سويلەسە، بالا دا سول ءتىلدى تەز يگەرىپ شىعادى. سونسوڭ، ورىستانعان ايەلدەرىمىز ەركەكتەرىمىزگە قاراعاندا الدەقايدا كوكبەت; ء"تىلىڭ دە، باسقاڭ دا - وزىڭە! ءوز ءومىرىم، ءوزىم بىلەم!-مەن بەت باقتىرماي بەتىڭنەن الادى. تالاي كوردىم.
بالانىڭ ەشقانداي دا كىناسى جوق، اناسى قاي تىلدە سويلەسە، ول دا سول تىلدە سويلەپ شىعادى. ء"تىلىم وسى ەكەن"- دەپ ويلايدى. ءدىلى دە سولاي قالىپتاسادى. قازىرگى ءورىستىلدى بالالارىمىز بەن بۇلدىرشىندەرىمىز ەرتەڭ ەسەيگەندە دە،ء"تىلىم - قازاق ءتىلى"- دەپ مۇلدەم مويىندامايدى، كەرەك قىلمايدى. سەبەبى، ولار ورىس تىلىمەن وينادى، ورىس تىلىمەن ءوستى، ورىس تىلىمەن نان جەدى. ءبىتتى!
ءتىل - مەملەكەتتىڭ ۇلتتىق قاۋىپسىزدىگىنىڭ ەڭ باستى كەپىلى. ءتىلىڭ قۇردىمعا كەتە بەرسە، بالا-شاعاڭ، قاتىن-قالاشىڭ، سولارعا ءتىل جاعىنان باس-كوز بولماعان ەز ەركەكتەرىمىز كوبەيسە، مەملەكەتتىڭ ۇلتتىق قاۋىپسىزدىگى دە تۇبىندە نولگە اينالادى. ءسويتىپ، وزگە ەلگە جۇتىلامىز دا كەتە بارامىز.
قازىرگى جاعداي - ءتىل، ءتىل جانە ءتىل!
نەمقۇرايلى قاراساق، ءوز وبالىمىز وزىمىزگە.
ءتىلدىڭ تاعدىرى، ۇلت ءۇشىن، جەردىڭ تاعدىرىمەن بىردەي. ۇلتقا جەر قانداي كەرەك بولسا، ءتىل دە سونداي كەرەك. بۇل ەكى انا - ەكى قاناتىمىز. ءبىرى قايىرىلسا، ەكىنشىسى سەنى ەشقاشاندا كوككە كوتەرە المايدى. رەسەيدىڭ دە ءتىلىمىزدى مەنسىنبەي، ۇستەم ساياسات جۇرگىزىپ وتىرعانى سودان.
قىرىمدى اننەكتسيالاپ وزىنە قوسىپ الاردا، سول قىرىمنىڭ 90 پايىزدان استام حالقى ورىس ءتىلىن قولداپ، ءپۋتيننىڭ ىعىنا جىعىلا كەتكەنىن ۇمىتپايىقشى! سول جىعىلعان حالىقتىڭ 70 پايىزىنان استامى ءورىستىلدى ۋكرايندار بولعان.
بەكبولات قارجان،
"ادىرنا" ۇلتتىق پورتالى
