Qazaqstanda jalpy ǧalymdardyŋ 54%-yn äielder qūraidy. Būl turaly QR BǦM Ǧylym komitetınıŋ töraǧasy Duman Orynbekov «Qazaqstan ǧalym äielderı» qoǧamdyq bırlestıgınıŋ forumynda aitty.
Elımızde «Qazaqstan ǧalym äielderı» qoǧamdyq bırlestıgı ǧylym men qoǧamda: zamanaui tūlǧa damuynyŋ etnomädeni negızderı» respublikalyq ǧylymi-praktikalyq forumy öttı. Forumda zamanaui tūlǧa damuynyŋ qainar közderı, ūlttyq sanany qalyptastyrudaǧy ana tılınıŋ, töl mädenietınıŋ jäne otbasynyŋ rölı, jas ūrpaqtyŋ ūlttyq qūndylyqtarǧa degen zamanaui közqarasy syndy mäseleler talqylandy.
Qazaqstanda 9738 äiel otandyq ǧylymnyŋ damuyna öz septıgın tigızıp jatyr. QR BǦM Ǧylym komitetınıŋ töraǧasynyŋ m.a. Duman Orynbekov şara barysynda ǧylym salasynyŋ damuyna üles qosyp jürgen äiel ǧalymdarǧa alǧysyn aitty.
«Qazaqstan ǧalym äielder qoǧamynyŋ rölı bız üşın joǧary. Sızderdı qoǧamnyŋ 5 jyldyq mereitoiymen Bılım jäne ǧylym ministrlıgınıŋ atynan qūttyqtaimyn. Otandyq ǧylymdy damytu ärqaşan ministrlıktıŋ basty nazarynda. Statistikalyq mälımetterge süiener bolsaq, Qazaqstanda jalpy ǧalymdardyŋ 54%-yn äielder qūraidy. Būl joǧary körketkış. Elımızdegı ǧalym äielderdıŋ basyn qosyp, osyndai şaralar ötkızetın sızder siiaqty ūiymdardyŋ bar bolǧanyna quanyştymyz. Ǧylymdaǧy äielder qauymy ärqaşan talantty, kreativtı jäne olar özektı ärı maŋyzdy jobalardy jüzege asyruda. Äleuetterıŋızdıŋ serpındı ǧylymi äzırlemeler jasauǧa mümkındık beretınıne, elımızdıŋ ekonomikasyn köteruge ülesın qosatynyna senımdımın», – dedı ol.
Sondai-aq forumda «Qazaqstan ǧalym äielderı» qoǧamdyq bırlestıgınıŋ bes jylda atqarǧan jūmysy baiandaldy. Qazaqstandyq ǧalym äielder qoǧamy prezidentı Taŋat Aiapovanyŋ aituynşa, ūiymnyŋ maqsaty – ǧylymdaǧy äielderdıŋ orny men maŋyzyn aiqyndap körsetu, bolaşaq ūrpaqqa basty qūndylyqtardy ärtürlı ıs-şaralar arqyly jetkızu.
«Öskeleŋ ūrpaqtyŋ sanasyna ūlttyq qūndylyqtardy sıŋıruge atsalysu bızdıŋ mındetımız dep sanaimyn. Elımızde ǧalymdarǧa qoldau körsetılıp jatyr. Äiel ǧalymdar jaily ensiklopediianyŋ ekınşı tomyn daiyndalyp jatyr, ony jastarǧa, PhD doktorlarǧa arnaimyz. Bügınge deiın magistranttardy qoǧamdyq bırlestıkke tartu erte dep oilaǧan edım. Bıraq aldaǧy uaqytta jastardy qoǧamǧa tartu, qatarymyzǧa ärtürlı mamandyq boiynşa magistrlerdı qosu josparlanyp otyr. Qoǧam müşelerıne ülken rizaşylyǧymdy bıldıremın. Bükıl älem Qazaqstanda äiel ǧalymdar bar ekenın bıluı tiıs», – dedı professor.Ǧalym äielder qoǧamynyŋ bes jyldyǧyna arnalǧan forumnyŋ ūiymdastyryluyna Suleiman Demirel universitetı Multidissiplinarlyq bılım beru ortalyǧynyŋ ökılderı Jainagül Düisebekova men Raihan Abnasyrova erekşe üles qosty.
«Bılım jäne ǧylym ministrlıgı qarjylandyratyn granttyq joba aiasynda oqulyqtardyŋ tılıne, mätınnen tys apparatyna qoiylatyn psiholingvistikalyq talaptar degen ülken jobamyz bastadyq. Ol jobaǧa Tıl bılımı instituty, L.N. Gumilev atyndaǧy EŪU müşelerı atsalysuda. Joba aiasynda psiholingvistikalyq model jasalynyp jatyr. Sondai-aq onda ūlttyq qūndylyqtarǧa arnalǧan bölek bölım bar. Qazaqstannyŋ 30 öŋırındegı ärtürlı mektepterge baryp, oqulyqtardy täjıribeden ötkızdık. Ūlttyq qūndylyqtardy bolaşaq ūrpaqtyŋ boiyna sıŋıru jolynda bız jas zertteuşıler retınde jauapkerşılıktı sezınemız», – dedı Multidissiplinarlyq bılım beru ortalyǧynyŋ direktory Jaingül Düisebekova.
Ūqsas jaŋalyqtar
