Qazaqstanda dári-dármekter taǵy qymbattady

2930
Adyrna.kz Telegram

Óndiristiń ósýi kómektespeı, farmaevtıkalyq ónimderdiń baǵasy byltyrǵy baǵadan orta eseppen 10 paıyzǵa asyp tústi. Bul týraly Energyprom.kz monıtorıng agenttigi málimdeme jasady, dep habarlaıdy "Adyrna" ulttyq portaly.

Osy jyldyń qańtar-aqpan aılarynda farmaevtıkalyq ónim óndirisi 25,6 mlrd. teńgege jetti. Bul ótken jyldyń sáıkes kezeńimen salystyrǵanda aqshamen eseptegende 30,4% kóp. Bul rette ónimniń naqty ósimi 9,2 paıyzdy qurady.

Jalpy, 2020 jyly Qazaqstanda farmaevtıkalyq óndiris kólemi 138,3 mlrd teńgeni quraǵan. Bul 2019 jylmen salystyrǵanda bir jarym ese kóp. Naqty ósim 47 paıyzdy qurady.

Agenttiktiń habarlaýynsha, jyldyń alǵashqy eki aıynda sektordaǵy ónimniń 94% -dan astamy tek 4 oblystyń úlesine tıdi:

Shymkent - 7,2 mlrd. teńge,

Almaty - 6,6 mlrd. teńge,

Almaty oblysy - 5,3 mlrd. teńge, 

Qaraǵandy ​oblysy - 5 mlrd. teńge.

 QR Indýstrııa jáne ınfraqurylymdyq damý mınıstrligi málimetteri boıynsha(IjIDM), «Hımfarm» AQ-nyń Shymkent qalasynda ornalasqan zaýyty óndiris kólemin 3 esege, al Almatyda ornalasqan «Nobel AFF» AQ - 27%-ǵa ulǵaıtty. 

"Adyrna" ulttyq portaly

Pikirler