"Qazgıdromet" ortalyǵynyń Atyraý oblysyna qarasty fılıaly málimdeme jasady. Oblystaǵy aýa raıyn boljaý bóliminiń basshysy Aına Qazǵulovanyń aıtýynsha, arktıkalyq antııklon áserinen óńirde aldaǵy 3 táýlik jaýyn-shashynsyz , biraq sarshunaq aıaz bolady, dep habarlaıdy "Adyrna" ulttyq portaly.
"Atyraý oblysynda aýa temperatýrasy kúndiz -18, -23 °C, túnde -22, -27 °C kórsetse, soltústikten -26, -30 °C aıaz bolady, - dedi Anna Qazǵulova.
Oblystyq bilim berý basqarmasynyń basshysy Gúlnár Sádýaqasovanyń aýa temperatýrasynyń tómendeýine baılanysty oblys mektepterindegi tómengi synyptar qashyqtan oqıtynyn málimdedi.
"10-11 qańtarda jalpy orta bilim berý uıymdaryndaǵy mektep aldy daıarlyq tobynyń tárbıelenýshileri jáne bastaýysh synyp oqýshylary qashyqtyqtan oqıdy. 5-11-synyp oqýshylary qalypty jaǵdaıda bilim alady", - dedi Gúlnár Sádýaqasova.
