Prezident Qasym-Jomart Toqaev QHR töraǧasy Si Szinpinmen kelıssözder jürgızdı, dep habarlaidy "Adyrna" ūlttyq portaly.
Kezdesu tarihi Tianszin qalasynda öttı.
Aqorda mälımetınşe, Memleket basşysy jyly qabyldau üşın Si Szinpinge alǧys bıldırıp, Şanhai yntymaqtastyq ūiymy sammitıne qatysuǧa şaqyrǧanyn rizaşylyqpen atap öttı.
"Qazaqstan ŞYŪ aiasyndaǧy Qytaidyŋ töraǧalyǧyn tolyq qoldaidy jäne onyŋ keŋ auqymdy kün tärtıbın ılgerıletuge belsendı atsalysady. Sızdı Ekınşı düniejüzılık soǧystaǧy Jeŋıstıŋ 80 jyldyǧymen jäne Japon militarizmıne qarsy Qytai halqynyŋ erlıkke toly jeŋısınıŋ 80 jyldyǧymen qūttyqtaimyn. Qytai halqynyŋ faşizmge qarsy kürestegı batyrlyǧy men erlıgı barşa qūrmetke laiyq", – dedı Prezident.
Qasym-Jomart Toqaevtyŋ aituynşa, Si Szinpinnıŋ qoldauymen Qazaqstan men Qytai arasyndaǧy «mäŋgılık jan-jaqty strategiialyq ärıptestık» būryn-soŋdy bolmaǧan deŋgeide damyp keledı. Ötken jyly ekı el arasyndaǧy sauda ainalymy rekordtyq körsetkışke jetken.
Prezident būl qarqynnyŋ biyl da saqtalyp otyrǧanyn atap öttı. Qytai – Qazaqstannyŋ eŋ ırı sauda serıktesı. Sonymen bırge ırı bırlesken jobalar jüzege asyrylyp jatyr. Memleket basşysy sapar aiasynda Qazaqstan-Qytai ıskerlık keŋesınıŋ otyrysyna qatysyp, bırqatar qytailyq ırı kompaniialardyŋ basşylarymen kezdesudı josparlap otyrǧanyn jetkızdı.
Sonymen qatar, 2025 jyldyŋ Qazaqstandaǧy Qytai turizmınıŋ jyly bolyp ötuı elder arasyndaǧy mädeni-gumanitarlyq bailanystarǧa tyŋ serpın bermek. Būǧan dälel – Qazaqstanda Lu Ban şeberhanalarynyŋ aşyluy jäne Beijıŋde Qazaqstan mädeni ortalyǧyn qūru turaly şeşım.
Aita keteiık, Qasym-Jomart Toqaev bügın Tianszinge Şanhai yntymaqtastyq ūiymynyŋ sammitıne qatysu üşın keldı.
