ءوندىرىستىڭ ءوسۋى كومەكتەسپەي، فارماتسەۆتيكالىق ونىمدەردىڭ باعاسى بىلتىرعى باعادان ورتا ەسەپپەن 10 پايىزعا اسىپ ءتۇستى. بۇل تۋرالى Energyprom.kz مونيتورينگ اگەنتتىگى مالىمدەمە جاسادى، دەپ حابارلايدى "ادىرنا" ۇلتتىق پورتالى.
وسى جىلدىڭ قاڭتار-اقپان ايلارىندا فارماتسەۆتيكالىق ءونىم ءوندىرىسى 25,6 ملرد. تەڭگەگە جەتتى. بۇل وتكەن جىلدىڭ سايكەس كەزەڭىمەن سالىستىرعاندا اقشامەن ەسەپتەگەندە 30,4% كوپ. بۇل رەتتە ءونىمنىڭ ناقتى ءوسىمى 9,2 پايىزدى قۇرادى.
جالپى، 2020 جىلى قازاقستاندا فارماتسەۆتيكالىق ءوندىرىس كولەمى 138,3 ملرد تەڭگەنى قۇراعان. بۇل 2019 جىلمەن سالىستىرعاندا ءبىر جارىم ەسە كوپ. ناقتى ءوسىم 47 پايىزدى قۇرادى.
اگەنتتىكتىڭ حابارلاۋىنشا، جىلدىڭ العاشقى ەكى ايىندا سەكتورداعى ءونىمنىڭ 94% -دان استامى تەك 4 وبلىستىڭ ۇلەسىنە ءتيدى:
شىمكەنت - 7,2 ملرد. تەڭگە،
الماتى - 6,6 ملرد. تەڭگە،
الماتى وبلىسى - 5,3 ملرد. تەڭگە،
قاراعاندى وبلىسى - 5 ملرد. تەڭگە.
قر يندۋستريا جانە ينفراقۇرىلىمدىق دامۋ مينيسترلىگى مالىمەتتەرى بويىنشا(يجيدم), «حيمفارم» اق-نىڭ شىمكەنت قالاسىندا ورنالاسقان زاۋىتى ءوندىرىس كولەمىن 3 ەسەگە، ال الماتىدا ورنالاسقان «نوبەل افف» اق - 27%-عا ۇلعايتتى.
"ادىرنا" ۇلتتىق پورتالى
