Qazaqstandyq jas dziudoşylar Europa kubogınen alty medal ūtyp aldy. Būl turaly Olympic.kz jariialady, dep habarlaidy “Adyrna” ūlttyq portaly.
Avstriianyŋ Gras qalasynda dziudodan jastar arasynda Europa kubogı öttı. Qazaqstan jastar qūramasy atalǧan dodany ekı altyn, ekı kümıs jäne ekı qola medalmen aiaqtady.
Atap aitqanda, jastar ūldar qūramasynan 60 kelıde Nūrqanat Serıkbaev, 66 kelıde Nūrsūltan Zaizaǧaliev jarysta qarsylas şaq keltırgen joq. 60 kelıde Merei Marhanbetov pen qyzdar arasynda 78 kelıden joǧary salmaqta beldesken Aida Toişybekova Europa kubogınıŋ kümıs jüldesıne ie boldy.
Al ūldar arasynda 81 kelıde tatamige şyqqan Maksim Meiırlan men qyzdar arasynda 63 kelıde baq synaǧan Esmigül Kuiulova qorjyndy qos qolamen tolyqtyrdy.
Nätijesınde, Qazaqstan jastar qūramasy Avstriiada ötken Europa kubogın jalpykomandalyq esepte Japoniiadan keiıngı ekınşı orynǧa tūraqtady.
Aita keteiık, Qazaqstan jastar ūldar qūramasyn aǧa jattyqtyruşylar Azamat Mūqanov men Aibek İmaşev jattyqtyrsa, qyzdar komandasyn Arsen Hatip pen Nūrbek Myqtybekov baptap bardy.
“Adyrna” ūlttyq portaly
Ūqsas jaŋalyqtar
