Denesi kúıgen naýqastardy emdeý ýaqyty 1,5 esege qysqarady. Ulttyq bıotehnologııa ortalyǵynyń ǵalymdary sıyrdyń qarnynan kollagendi tańǵysh jasaý tásilin oılap tapty, dep habarlaıdy «Habar 24».
Qazir mamandar elimizdiń birqatar medıınalyq ortalyǵynda ónimdi klınıkalyq zertteýden ótkizip jatyr. Oǵan aýyr jaraqat alǵan 200 adam qatysýda. Synaq bitkennen keıin tańǵyshtar el aýrýhanalaryna jetkiziledi. Arna tilshisi Darıǵa Tashenova ǵylymı zerthanaǵa baryp, óndiris proesimen tanysty.
Darıǵa Tashenova, tilshi:
- Kúıikti tez emdeıtin ónimniń qajettiligi týraly elordalyq dárigerler burynnan oılap júrgen. 2012 jyly olar Bıotehnologııa ortalyǵyna kelip, óz ıdeıalarymen bólisti. Kúıik jaraqaty uzaq ýaqyt jazylmaıdy. Ǵalymdar 3 jyl qatarynan zertteý jumystaryn júrgizip, sıyrdyń qarnyndaǵy paıdaǵa aspaıtyn ishekterdiń emdik qasıeti bar ekenin anyqtady. Ony 1 apta boıy tazalap, zararsyzdandyrǵannan keıin adam denesine qoldanýǵa bolady.
Erlan Ramanqulov, QR BǴM ǴK ulttyq bıotehnologııa ortalyǵynyń bas dırektory:
- Adamnyń terisi qatty zaqymdansa, sol oryndy myna tańǵyshpen baılap, emdeýge bolady. Biz ony túrli peptıd jáne antıbıotıktermen qanyqtyramyz. Bul materıal ýaqytsha adam terisiniń ornyn basady. Ol qurǵap ketpeıdi, jaraqattaǵy sýdy sińirip alady. Infekııalardyń paıda bolýyna jol bermeıdi. Qazir biz tájirıbe retinde bul ónimdi kúıik ortalyqtarynda qoldanyp jatyrmyz. Zertteý nátıjeleri óte jaqsy. Naýqastardyń jaraqattary tez jazylyp ketedi. Synaq aıaqtalǵannan keıin tirkeýden ótip, bul ónimdi otandyq aýrýhanalarǵa jetkizemiz.
Otandyq ónimniń baǵasy da qoljetimdi. Qazir ǵalymdar bir membrananyń qunyn 4 myń teńgege baǵalap otyr. Alaıda óndiris tolyqqandy iske qosylǵannan keıin baǵasy arzandaıdy. Mamandar onyń sapasyna da basa nazar aýdarady.
Vıacheslav Ogaı, QR BǴM ǴK ulttyq bıotehnologııa ortalyǵynyń dińgekti jasýshalar zerthanasynyń meńgerýshisi:
- Bul tańǵysh II jáne III deńgeıli kúıikti emdeýge jaramdy. Biz bıomaterıaldy satyp alǵannan keıin ony birneshe kezeńmen tazartamyz. Ishindegi ashytqylardy joıamyz. Radıaııa arqyly zararsyzdandyramyz. Ony 2 ret qaptaımyz. Sodan keıin sapasyn taǵy bir ret tekseremiz. Eger buny jasamasaq, sıyrdyń ishegindegi bakterııalar qalyp qalady. Saldarynan ony paıdalanǵan naýqastyń terisinde allergııa shyǵýy múmkin.Bul tańǵyshtyń jaramdylyǵy – 2 jyl. Ony 4 gradýsqa qoıylǵan tońazytqyshta saqtaý kerek.
Ónimdi klınıkalyq zertteý jumystary jaqynda aıaqtalady. Kúzde ǵalymdar ony Densaýlyq saqtaý mınıstrliginiń reestrinde tirkeıdi. Boljam boıynsha 2022 jyly bul tańǵyshtardy otandyq aýrýhanalarda jappaı qoldanýǵa bolady. Keıin marketologtardyń kómegimen kórshi elderge eksporttaý josparlanyp otyr.
