2025 jyldyń maýsym aıynan bastap Ulybrıtanııada bir rettik elektrondy temekilerdi satýǵa tyıym salynady, dep habarlaıdy "Adyrna" ulttyq portaly The Guardian-ǵa silteme jasap.
Bul qurylǵylar órt shyǵý qaýpin arttyrady. Derekterge súıensek Ulybrıtanııada ár sekýnd saıyn 13 bir rettik elektrondy temeki qoqysqa tastalady. Bul kórsetkish táýligine 1 mıllıonnan asady.
Mamandardyń aıtýynsha, bir rettik qurylǵylar quramyndaǵy batareıalar qoqys tasymaldaıtyn kólikterde nemese qaıta óńdeý ortalyqtarynda órt shyǵýyna sebep bolýy múmkin. Mundaı tótenshe jaǵdaılar 2022 jylmen salystyrǵanda bıyl 71%-ǵa jıilegen.
Ekologtar bir rettik elektrondy temekilerdi zııandy jáne tıimsiz dep sanaıdy. Olardyń quramynda lıtıı men mys bar. Bul resýrstar 10 myńnan astam avtokólikti qýatpen qamtamasyz ete alar edi. Alaıda bul materıaldar qaıta óńdelmeı, qoqysqa tastalýda.
"Veıpterdi durys ýtılızaııalaý týraly aqparatty kóbeıtý qajet," – dep sanaıdy aǵylshyn belsendileri.
Osyǵan baılanysty, 2025 jyldyń maýsymynan bastap elde tek qaıta zarıadtalatyn qurylǵylar men toltyrylatyn kartrıdji bar elektrondy temekilerdi satýǵa ruqsat beriledi.
