Shyǵys Qazaqstan oblysynyń zańgeri Serikjan Ahmetjanov ýaqytty ózgertý máselesi boıynsha Qazaqstan Úkimetine qarsy sotta jeńilip qaldy, dep habarlaıdy «Adyrna» ulttyq portaly KazTAG-qa silteme jasap.
«Astana qalasynyń azamattyq ister jónindegi aýdanaralyq soty azamat Ahmetjanovtyń QR Úkimetine qarsy №1749 qaýlysyn (23 qarasha 2000 j.) jáne oǵan engizilgen ózgerister týraly №20 qaýlysyn (19 qańtar 2024 j.) zańsyz dep taný jáne olardy kúshin joıý týraly talap aryzy boıynsha isti qarady», – dep málimdedi sottyń baspasóz qyzmeti.
Zańger daýly qaýlynyń 3 jáne 3-1 tarmaqtaryn daýlaǵan:
3. QR aýmaǵynda besinshi ýaqyt beldeýin qoldaný;
3-1. 2024 jyldyń 29 aqpanynan 1 naýryzyna qaraǵan túni (00:00-de) Astana, Almaty, Shymkent qalalary men birqatar oblystarda ýaqytty bir saǵatqa artqa shegerý týraly sheshim qabyldanǵan.
Talapker bul sheshimdi astronomııalyq ýaqytqa sáıkes kelmeıdi jáne ýaqytty aýystyrý boıynsha úkimettiń quzyretiniń sheginen shyǵýy retinde baǵalady.
Sot zańgerdiń talaptaryn qanaǵattandyrmaý týraly sheshim qabyldady. Qorytyndyda úkimettiń bul qaýlylardy Qazaqstan Konstıtýııasynyń 69-babyna sáıkes qabyldaǵany, sondaı-aq talapkerdiń úsh jyldyq talap qoıý merzimin ótkizip alǵany atalyp ótti.
Eske salaıyq, buǵan deıin Serikjan Ahmetjanov úkimettiń qaýlysyna qarsy shaǵym túsirip, Shyǵys Qazaqstan oblysynyń birde-bir ókiliniń bul másele boıynsha jumys tobyna kirmegenin málimdegenin jazǵan edik. Onyń aıtýynsha, ýaqyt beldeýiniń ózgerisi tikeleı áser etken aımaqtardyń pikiri múlde eskerilmegen.
