Ekibastuzda el prezıdenti Qasym-Jomart Toqaevtyń 2023 jyldyń tamyz aıynda kenshiler qalasyna kelgen kezinde bergen tapsyrmasy boıynsha salynǵan «Samǵaý» balalar shyǵarmashylyǵy ortalyǵynyń ashylý saltanaty ótti.
Joba Pavlodar oblysynyń eki iri ónerkásiptik kompanııasynyń: ERG jáne KazMineralsBozshakol toptarynyń demeýshilik qarajaty esebinen júzege asyryldy. Jobanyń jalpy quny 5,3 mlrd. teńge.
Jańa nysannyń jumysy Ekibastuz qalasynyń balalaryn qosymsha bilim berýmen qamtýdy 70%-ǵa nemese 16 myńnan astam oqýshyǵa deıin ulǵaıtýǵa múmkindik beredi.
Jalpy aýdany 7200 sharshy metrdi quraıtyn zamanaýı ortalyqta 9 myńnan astam bala, onyń ishinde erekshe qajettilikteri bar balalar 12 baǵyt boıynsha qosymsha bilim alýǵa, ýaqyttaryn qyzyqty ótkizýge, óz-ózderin damytýǵa múmkindik aldy. Ortalyq erekshe qajettilikteri bar balalarǵa tolyqtaı beıimdelgen, lıft jáne kótergish qurylǵylarmen, tıflo- jáne sýrdoqurylǵylarmen jabdyqtalǵan.
- Men búgin memleket basshysy Qasym-Jomart Toqaevtyń tikeleı tapsyrmasymen salynǵan jańa ınnovaııalyq «Samǵaý» balalar shyǵarmashylyǵy ortalyǵynyń ashylý saltanatyna qatysqanyma óte qýanyshtymyn. «Samǵaý» kenshiler qalasynyń balalary men jastaryn tartatyn ortalyq bolatynyna senimdimin. Bul sizder úshin jańa dostar tabýǵa, úırenýge jáne damýǵa, sondaı-aq, ýaqyt ótkizýge bolatyn ekinshi úılerińiz bolsyn, - dedi aımaq basshysy.
Sondaı-aq, Asaıyn Baıhanov balalar men jastardyń úılesimdi damýy úshin asa qajetti jobany iske asyrýǵa jáne nysannyń qurylysyna qatysqandardyń barlyǵyna alǵysyn bildirdi.
Ǵımarattyń birinshi qabatynda bı zaly, teatrdyń jattyǵý zaly, jeke vokal men mýzyka sabaqtaryna arnalǵan bólmeler jáne 275 oryndyq úlken aýdıtorııa ornalasqan. Balalar ortalyq jumysynyń shyǵarmashylyq baǵyttarynan horeografııa (halyqtyq, zamanaýı jáne klassıkalyq bıler), teatr óneri, vokal jáne hor áni nemese aspaptyq sheberlik (dombyra, qobyz, gıtara, mandolına, daýylpaz, asataıaq, shertpe) boıynsha sabaqtardy tańdaı alady.
Ekinshi qabatta jasyl tehnologııalar ortalyǵynyń ǵylymı-bıologııalyq zerthanasy (gıdro jáne ekoponıka) jáne landshafttyq sáýlet pen florıstıkalyq dızaın stýdııalary, sondaı-aq, pikirtalas ortalyǵy, medıa ortalyq (dybys jazý stýdııasy, telestýdııa, fotografııa akademııasy, jas bloger stýdııasy, kovorkıng ortalyǵy) jáne sán stýdııasy (makııaj jáne kostıým sýretshisi, ınterer dızaıny) ornalasqan.
Úshinshi qabat tolyǵymen robototehnıka jáne kompıýterlik modeldeý, ǵaryshtyq radıobaılanys jáne radıotehnıka klýbtaryn, STEM jáne LEGO zerthanalaryn, UUA klýbyn (ushqyshsyz ushý apparaty) qosa alǵanda IT-tehnologııalarǵa, sondaı-aq, balalar pishim men tigindi, modeldeýdi, keramıkany, beıneleý ónerimen aspazdyq ónerdi úırenýge múmkindik beretin kórkemdik-qoldanbaly blokqa berildi.
Sonymen qatar, ortalyqta ata-analar men balalarǵa arnalǵan psıhologııalyq-pedagogıkalyq qoldaý kabıneti, ústel tennısine arnalǵan aımaqtar, emdik dene shynyqtyrý jáne jattyǵý zaly jumys isteıtin bolady.
Balalar da, ata-analar da ortalyqtyń ashylýyna jáne ártúrli tegin sabaqtardyń bolǵanyna qýanyshty.
- Balalarymyzdyń jańa nárseni úırenip, bilim alýlary úshin qalamyzda osyndaı ortalyqtyń ashylýyn asyǵa kúttik. Bizdiń ótinishimizdi tyńdap, qala úshin, balalar úshin jáne olardyń bolashaǵy úshin osyndaı ortalyq salýǵa tapsyrma bergeni úshin Prezıdentimizge óte rızamyz. Atsalysqan barsha janǵa alǵys bildiremin. Shyǵarmashylyq úıirmege jazylýdy josparlaǵanbyz, biraq, munda kóptegen qyzyqty úıirmeler bar eken, endi basqa da baǵyttardy kórýdi oılap otyrmyz, – dep Ekibastuz qalasynyń turǵyny Aıana Smaǵulova óziniń qýanyshymen bólisti.
Nysannyń qurylysy 2023 jyldyń qazan aıynda bastalyp, 2024 jyly aıaqtaldy. Ortalyqta jumys isteýge 50-den astam qosymsha bilim berý pedagogtary tartyldy.
Búgingi tańda óńirde óskeleń urpaqtyń úılesimdi damýy úshin barlyq jaǵdaı jasalýda. Buǵan deıin 800 balaǵa arnalǵan shyǵarmashylyq ortalyq Ertis aýdanynda ashylǵan bolatyn. Qyrkúıek aıynda Pavlodar qalasynda «Altyn saqa» balalar shyǵarmashylyǵy jáne demalys ortalyǵy ashyldy.
